ஸ்ரீலங்கன் ஏர்லைன்ஸ் ‘தெற்காசியாவின் முன்னணி சர்வதேச விமான சேவை’ விருதை வென்றது.

தமிழ்நாடு சுற்றுலா விருதுகளில் ஸ்ரீலங்கன் ஏர்லைன்ஸ் ‘சிறந்த விமான கூட்டாளர்’ விருது வழங்கி கௌரவிக்கப்பட்டது. கடந்த 19ஆம் திகதி நடைபெற்ற விருது வழங்கும் விழாவின் மூலம் ஸ்ரீலங்கன் எயார்லைன்ஸ் இவ்வாறானதொரு முன்னணி விருது வழங்கும் நிகழ்வில் இரண்டாவது தடவையாக அங்கீகாரம் பெற்றது.

செப்டெம்பர் மாதம் நடைபெற்ற தெற்காசிய சுற்றுலா விருதுகளில் ‘விசிட்டர்ஸ் சாய்ஸ் விருதுகள்’ பிரிவின் கீழ் ஸ்ரீலங்கன் ஏர்லைன்ஸ் ‘தெற்காசியாவின் முன்னணி சர்வதேச விமான சேவை’ விருதை வென்றது.

தமிழ்நாடு சுற்றுலா விருதுகளில், மாநிலத்தில் சுற்றுலாத் துறையின் வளர்ச்சிக்கு சிறந்த பங்களிப்பிற்காக விமான நிறுவனங்கள் அங்கீகரிக்கப்படுகின்றன. இலங்கையில் கொழும்பு மற்றும் தமிழ்நாட்டில் சென்னை, திருச்சிராப்பள்ளி மற்றும் மதுரை இடையே 35க்கும் மேற்பட்ட வாராந்திர விமானங்களை இயக்கி வரும் ஸ்ரீலங்கன் ஏர்லைன்ஸ் தற்போது தமிழ்நாட்டின் முதன்மையான விமான நிறுவனங்களில் ஒன்றாக மாறியுள்ளது.

ஷாப்பிங், யாத்திரை மற்றும் மருத்துவ நோக்கங்களுக்காக தமிழகத்திற்கு வரும் பல சுற்றுலாப் பயணிகள் ஸ்ரீலங்கன் ஏர்லைன்ஸைப் பயன்படுத்துகின்றனர். தமிழ்நாடு தவிர, ஸ்ரீலங்கன் ஏர்லைன்ஸ் இந்தியாவில் டெல்லி, மும்பை, ஹைதராபாத், பெங்களூரு, கொச்சி மற்றும் திருவனந்தபுரம் ஆகிய நகரங்களுக்கு 90க்கும் மேற்பட்ட வாராந்திர விமானங்களை இயக்குகிறது.

“தமிழ்நாடு சுற்றுலா விருதுகளில் ‘சிறந்த விமானப் பங்குதாரர்’ விருது வழங்கி கௌரவிக்கப்படுகிறோம். இந்த பிராந்தியத்திற்கு சிறந்த சேவையை வழங்குவதற்கான எங்கள் ஆர்வத்தையும் அர்ப்பணிப்பையும் இது தெளிவாக பிரதிபலிக்கிறது. இப்பகுதியில் சுற்றுலாப் பயணிகளின் விருப்பமான இடமாக தமிழகம் மாறும் வாய்ப்பு உள்ளது. எனவே, எதிர்காலத்தில் தமிழ்நாட்டிற்கு மேலும் பல சேவைகளை வழங்குவோம் என நம்புகிறோம்” என ஸ்ரீலங்கன் ஏர்லைன்ஸின் சர்வதேச விற்பனை மற்றும் விநியோகத் தலைவர் திமுத் தென்னகோன் தெரிவித்தார்.