நாடு, சம்பா, கீரி சம்பா அரிசியின் மொத்த விலையை மீண்டும் உயர்த்திய ஆலை உரிமையாளர்கள்.

நாடு, சம்பா மற்றும் கீரி சம்பா அரிசியின் மொத்த விலையை அதிகரித்துள்ளதாக அரிசி ஆலை உரிமையாளர்கள் நாடளாவிய ரீதியில் உள்ள அரிசி மொத்த வியாபாரிகளுக்கு அறிவித்துள்ளனர்.

அதன்படி, ஒரு கிலோ நாட்டு அரிசியின் மொத்த விலை நாடு 255 ரூபாயாகவும், சம்பா அரிசி 260 ரூபாயாகவும், கீரி சம்பா 275 ரூபாயாகவும் அதிகரிக்கப்பட்டுள்ளது.

அந்த விலைக்கு தேவையான அரிசியின் அளவுக்கு, வங்கியில் பணம் செலுத்துமாறு அரிசி ஆலை உரிமையாளர்கள் வியாபாரிகளுக்கு அறிவுறுத்தியுள்ளனர்.

சந்தையில் ஒரு கிலோ நாட்டு அரிசியின் கட்டுப்பாட்டு விலை நாடு ரூ.220 ஆகவும், சம்பா ரூ.230 ஆகவும், கீரி சம்பா ரூ.260 ஆகவும், விற்பனை செய்ய நுகர்வோர் சேவை அதிகாரசபை சுற்று நிருபங்களை வெளியிட்டுள்ளது.

அரிசி ஆலை உரிமையாளர்கள் அரிசியின் விலையை அவ்வப்போது அதிகரிப்பதால் கட்டுப்பாட்டு விலையில் அரிசியை விற்க முடியாமல் தவிப்பதாக அரிசி மொத்த வியாபாரிகள் மற்றும் சில்லறை விற்பனையாளர்கள் தெரிவித்தனர்.

கடந்த வாரம் அரிசி ஆலை உரிமையாளர்கள் நாடு அரிசியை மொத்தமாக ரூ.235-240, சம்பா ரூ.250, கீரி சம்பா ரூ.260-265 என மொத்த விலையில் வியாபாரிகளுக்கு வழங்கியுள்ளனர்.