இந்திய – இலங்கை தலைவர்கள் நடத்திய செய்தியாளர் சந்திப்பு (வீடியோ)

மூன்று நாள் உத்தியோகபூர்வ விஜயம் மேற்கொண்டு இந்தியா வந்துள்ள ஜனாதிபதி அனுரகுமார திஸாநாயக்கவிற்கும் இந்திய பிரதமர் நரேந்திர மோடிக்கும் இடையிலான கலந்துரையாடல் இன்று (16) பிற்பகல் பிரதமரின் உத்தியோகபூர்வ இல்லமான ஹைதராபாத் மதுராவில் இடம்பெற்றது.

அதன் பிறகு, இரட்டை வரி விதிப்பைத் தடுப்பது மற்றும் அரசு அதிகாரிகளின் திறன் மேம்பாடு தொடர்பான புரிந்துணர்வு ஒப்பந்தங்கள் இந்திய – இலங்கை தலைவர்கள் முன்னிலையில் பரிமாறிக் கொள்ளப்பட்டன.

இந்தியாவின் வெளிவிவகாரக் கொள்கையில் இலங்கைக்கு விசேடமான இடமுள்ளது என்பதை தாம் நன்கு அறிவதாக ஜனாதிபதி அனுரகுமார திஸாநாயக்க கூட்டுச் செய்தியாளர் சந்திப்பில் நினைவு கூர்ந்தார்.

ஜனாதிபதி அனுரகுமார திஸாநாயக்க தனது முதலாவது வெளிநாட்டு விஜயத்திற்காக இந்தியாவை தெரிவு செய்தமை தொடர்பில் தாம் மகிழ்ச்சியடைவதாக இந்திய பிரதமர் நரேந்திர மோடி தெரிவித்துள்ளார்.

எதிர்கால நோக்குடன் இரு நாடுகளுக்கிடையிலான உறவுக்கு புதிய முகத்தை வழங்கும் வகையில், பௌதீக, டிஜிட்டல் மற்றும் ஆற்றல் ஆகிய மூன்று தூண்களை வலுப்படுத்துவதற்கு இலங்கைக்கு தொழில்நுட்ப ஆதரவை வழங்குவது குறித்தும், பவர் கிரிட் இணைப்பு மற்றும் பல உற்பத்தி பெட்ரோலிய குழாய்களை நிறுவுவது குறித்தும் கலந்துரையாடப்பட்டது.

மேலும் இந்திய அபிவிருத்தி ஒத்துழைப்பு, அனுராதபுர புகையிரத பாதை மற்றும் காங்கசந்துறை துறைமுகத்தின் சமிக்ஞை அமைப்பு குறித்தும் விரிவாக கலந்துரையாடப்பட்டது.

அடுத்த ஆண்டு தொடக்கம் யாழ்ப்பாணம் மற்றும் கிழக்கு மாகாண பல்கலைக்கழகங்களைச் சேர்ந்த 200 மாணவர்களுக்கு இந்தியக் கல்விக் கூட்டுறவின் கீழ் மாதாந்த புலமைப்பரிசில்கள் வழங்கப்படவுள்ளன. அடுத்த ஐந்து வருடங்களில் 1500 இலங்கை அரச ஊழியர்களுக்கு இந்தியாவில் பயிற்சி அளிக்க இந்தியப் பிரதமர் விருப்பம் தெரிவித்துள்ளார்.

இலங்கையில் விவசாயம், பால்வளம் மற்றும் மீன்வளம், வீடுகள், புதுப்பிக்கத்தக்க எரிசக்தி மற்றும் உள்கட்டமைப்பு ஆகியவற்றை மேம்படுத்தவும் இந்தியா ஒத்துழைக்கும்.

இந்தியாவின் பாதுகாப்பிற்கும் பிராந்தியத்தின் ஸ்திரத்தன்மைக்கும் பாதிப்பை ஏற்படுத்தும் வகையில் இலங்கையின் பிரதேசத்தை பயன்படுத்த ஒருபோதும் இடமளிக்கப்பட மாட்டாது என ஜனாதிபதி அனுரகுமார திஸாநாயக்க தெரிவித்துள்ளார்.

கொழும்பு பாதுகாப்பு மாநாட்டின் கீழ், கடல்சார் பாதுகாப்பு, பயங்கரவாத எதிர்ப்பு, இணைய பாதுகாப்பு, கடத்தல் மற்றும் ஒழுங்கமைக்கப்பட்ட குற்றங்களை எதிர்த்துப் போராடுதல், மனிதாபிமான உதவி மற்றும் பேரிடர் நிவாரணம் ஆகியவற்றில் ஒத்துழைப்பை மேம்படுத்துவதில் கவனம் செலுத்தப்படுகிறது.

ஜனாதிபதி அனுரகுமார திஸாநாயக்கவுக்கு இந்திய பிரதமர் நரேந்திர மோடி மதிய விருந்து அளித்தார்.

ஜனாதிபதி அனுரகுமார திஸாநாயக்க இந்திய பிரதமர் நரேந்திர மோடியையும் இலங்கைக்கு வருமாறு அழைப்பு விடுத்துள்ளார்.