ஜெனரல் சவேந்திர சில்வா வீட்டுக்கு செல்கிறார்.

பாதுகாப்புப் படைகளின் பிரதானியாக இருந்த ஜெனரல் சவேந்திர சில்வா, இம்மாதம் 31ஆம் திகதி ஓய்வு பெறவுள்ளார்.

முன்னாள் ஜனாதிபதி ரணில் விக்கிரமசிங்க அவர்கள் அவரது சேவைக் காலத்தை எதிர்வரும் 31ஆம் திகதி வரை நீடித்திருந்தார்.

புதிய அரசாங்கத்தின் கீழ் அவருக்கு பதவி நீடிப்பு கிடைக்காது என அரசாங்க வட்டாரங்கள் தெரிவிக்கின்றன.

அதன்படி, ஜெனரல் சவேந்திர சில்வாவின் நீண்ட பாதுகாப்பு சேவை வரலாறு டிசம்பர் 31ஆம் தேதியுடன் முடிவடைந்து அவர் சேவையிலிருந்து ஓய்வு பெறவுள்ளார்.

சவேந்திர சில்வாவின் பதவிக்காலம் முடிவடைந்த பின்னர், பாதுகாப்புப் படைகளின் பிரதானி பதவியை நீக்குவதா அல்லது வைப்பதா என்பது குறித்து அரசாங்கம் இன்னும் தீர்மானிக்கவில்லை.

இது தொடர்பில் அரசாங்கத்தின் திட்டங்கள் தொடர்பில் வினவியபோது, ​​அதனை தொடர்வது அல்லது இல்லாதொழிப்பது குறித்து இதுவரை அரசு எதுவித தீர்மானமும் எடுக்கவில்லை என அமைச்சரவைப் பேச்சாளர் அமைச்சர் நலிந்த ஜயதிஸ்ஸ தெரிவித்தார்.