பாடசாலைப் பயிற்சிப் புத்தகங்கள்,எழுதுபொருட்களை மலிவு விலையில் பெற நடவடிக்கை.

அடுத்த ஆண்டு தொடக்கத்தில் இருந்து பாடசாலைப் பயிற்சிப் புத்தகங்கள் மற்றும் எழுதுபொருட்களை மலிவு விலையில் சந்தைக்கு வெளியிட நடவடிக்கை எடுக்கப்படும் என கைத்தொழில் மற்றும் தொழில் முயற்சி அபிவிருத்தி அமைச்சர் சுனில் ஹந்துன்நெத்தி தெரிவித்தார்.

வாழைச்சேனை கடதாசி தொழிற்சாலையை நேற்று (25) பார்வையிடும் போதே அமைச்சர் இதனைக் குறிப்பிட்டுள்ளார்.

வாழச்சேனை காகிதத் தொழிற்சாலையானது அரச மற்றும் தனியார் நிறுவனங்களின் கழிவுக் காகிதங்களை நடைமுறைப்படுத்தி அதனை மறுசுழற்சி செய்து பாடசாலைப் பயிற்சிப் புத்தகங்கள் மற்றும் எழுதுபொருட்களை மலிவு விலையில் சந்தைக்கு வெளியிடும் என எதிர்பார்க்கப்படுகிறது.

நேஷனல் பேப்பர் கார்ப்பரேஷன் லிமிடெட் பல வருடங்களாக நலிவடைந்து வரும் விதம் தனது கண்காணிப்பு பயணத்தின் போது காணப்பட்டதாகவும், புதிய ஊழியர்கள் இதுவரை இருந்த குறைபாடுகளை ஒதுக்கி வைத்துவிட்டு புதிய ஆற்றலுடன் பணியாற்ற முயற்சிப்பதாகவும் அமைச்சர் குறிப்பிட்டார்.