இபோச -தனியார் கூட்டுச் சேவை ஆரம்பமாக உள்ளது – பிரதி போக்குவரத்து அமைச்சர்

எதிர்வரும் வரவு செலவுத் திட்டத்தில் இலங்கை போக்குவரத்து சபைக்கு 1000 பஸ்கள் கொண்டுவரப்படும் என போக்குவரத்து மற்றும் நெடுஞ்சாலைகள் பிரதி அமைச்சர் பிரசன்ன குணசேன குறிப்பிட்டுள்ளார்.

ஹரிஸ்பத்துவ பிரதேசத்தில் இடம்பெற்ற மக்கள் சந்திப்பில் கலந்து கொண்டு உரையாற்றும் போதே அவர் மேற்கண்டவாறு தெரிவித்தார்.

“எதிர்வரும் பட்ஜெட்டின் மூலம் 1000 பேருந்துகளை கொண்டு வருவோம். இப்பணிகள் ஆகஸ்ட் மாதத்திற்குள் நிறைவடையும். அவவை லாரி பாடிகளுடனான தகர பஸ்களை அல்ல. பயணிகள் வசதியாக பயணிக்க ஏற்ற பேருந்துகள். 7400 பேருந்துகள் இருக்க வேண்டும். 5200 மட்டுமே தற்போது உள்ளன. அதுவும் உடைந்துவிட்டது. 1000 பேருந்துகள் வருகிறது என்பது பெரிய மாற்றம். தற்போது ஓட்டுனர் கண்டக்டர் பற்றாக்குறை அதிகம் உள்ளது. 107 டிப்போக்கள் உள்ளன. அதில் ஊவா மாகாணத்தில் மட்டுமே அதிகமான குறைபாடு உள்ளது.

ஏனைய அனைத்து மாகாணங்களிலும் டிப்போக்களில் சாரதிகள், நடத்துனர்கள் மற்றும் தொழில்நுட்ப வல்லுநர்கள் பற்றாக்குறை உள்ளது. நாங்கள் புதியவர்களை பணியமர்த்த உள்ளோம். இப்படி இல்லாமல் இதை சரி செய்ய முடியாது.

மோசடி ஊழல் அதிகம். நாங்கள் அதை நிறுத்துகிறோம். எத்தனை பஸ்கள் இருந்தாலும் காலை, இரவு நேரங்களில் பஸ்கள் பயணிப்பதில்லை. ஆட்கள் இருந்தால் மட்டுமே பேருந்துகள் இயக்கப்படுகிறது. இதை மாற்ற உள்ளோம். அதை கண்டி நகரத்தில் இருந்து தொடங்குகிறது.

பணம் கொடுத்து டிக்கெட் வாங்கும் முறை நிறுத்தப்படும். அதற்கு பதிலாக, ஒரு காட் அமைப்பு அறிமுகப்படுத்தப்பட உள்ளது. பணத்தை கையாளும் போது மோசடி நடக்கிறது. இபோச ஒரு தனியார் ஒருங்கிணைந்த சேவையாக உருவாக உள்ளது.

ரயில்வேயின் பங்களிப்பு ஐந்து சதவீதம்தான். பொது போக்குவரத்தை 75 சதவீதமாக உயர்த்த வேண்டும். அப்படி வரும்போது போக்குவரத்து நெரிசல் குறையும். இவை குறித்து கமிஷனிடம் கூறியுள்ளோம். மோசமடைந்தது போல் காட்சியளிக்கும் பேருந்துகள் அகற்றப்படும். அதற்கான சட்டங்கள் கொண்டு வரப்படும். தூய்மையான இலங்கை திட்டத்திலும் இது நடைமுறைப்படுத்தப்படும்” என்றார் பிரதி போக்குவரத்து அமைச்சர்.