ஈஸ்டர் தாக்குதல் திட்டத்தின் தலைவர் நாமல் குமார : பேராயர் இல்லத்திலிருந்து வெளிப்பாடு!

ஈஸ்டர் தாக்குதலை நடத்துவதற்கு தேவையான பின்னணியை நாமல் குமார என்ற நபரே தயாரித்துள்ளதாக கத்தோலிக்க திருச்சபை தெரிவித்துள்ளது.

நாமல் குமார அண்மையில் செய்த முறைப்பாடு தொடர்பில் விசாரணை நடத்தி நீதி வழங்கப்பட வேண்டும் என பேராயரின் உத்தியோகபூர்வ இல்லத்தில் நடைபெற்ற ஊடகவியலாளர் சந்திப்பில் கொழும்பு ஆயர் மக்கள் தொடர்பாடல் பணிப்பாளர் ஜூட் கிரிஷாந்த தெரிவித்தார்.

“கர்தினால் தேரருக்கு எதிராக இத்தகைய குற்றச்சாட்டை முன்வைத்த நாமல் குமாரவை ஒட்டுமொத்த கத்தோலிக்க சமூகமும் கண்டிக்கிறது. யாரோ ஒருவரின் விருப்பத்திற்காக கர்தினால்களின் இமேஜை சேதப்படுத்தும் திட்டமிட்ட முயற்சியாக நாமல் குமாரவை பார்க்கிறோம்.

நாலக சில்வா, சஹாரனின் திட்டங்களைக் கண்டுபிடித்து அவரைக் கைது செய்ய விசாரிக்க முயலும்போது , அதைத் தடுக்க நாடகமொன்றை அரங்கேற்றி , நாலக சில்வாவை சிறையில் அடைக்கிறார்.

அதற்குள்தான் ஈஸ்டர் வெடிகுண்டு வெடித்தது. அதை நடத்த வேண்டியிருந்ததால், நாலக சில்வா சிறையில் அடைக்கப்பட்டார். இந்த திட்டத்தின் தலைவர் நாமல் குமார. இதைப் பார்க்கும் போது நாமல் குமார யாரோ ஒருவரின் ஆசைக்காக ஆடப் போகிறார் என்பது நமக்குத் தெளிவாகத் தெரிகிறது. ராஜபக்சக்களின் நிழல்கள்தான் இயங்குகின்றன.

எனவே பொலிஸ் மா அதிபரிடம் கோரிக்கை விடுக்கின்றோம். இந்த குற்றச்சாட்டால் கார்டினலின் மீது ஏற்பட்டுள்ள கறையை விசாரித்து நீதி வழங்குமாறு கேட்டுக்கொள்கிறேன் என கொழும்பு ஆயர் மக்கள் தொடர்பாடல் பணிப்பாளர் ஜூட் கிரிஷாந்த தெரிவித்துள்ளார்.