அஸர்பைஜான் விமான விபத்துக்கு ரஷ்யா பொறுப்பேற்கவேண்டும்

அஸர்பைஜான் ஏர்லைன்ஸ் விமானத்தைத் தவறுதலாகச் சுட்டு வீழ்த்தியதை ரஷ்யா ஒப்புக்கொள்ளவேண்டும் என்று அஸர்பைஜான் அதிபர் இல்ஹம் அலியெவ் (Ilham Aliyev) வலியுறுத்தியிருக்கிறார். .

தாக்குதலில் விமானம் சேதமடைந்ததாகத் திரு இல்ஹம் தெரிவித்தார்.

ரஷ்யா அது குறித்துப் பொய் சொன்னதாக அவர் குறைகூறினார்.

விமான விபத்து தொடர்பில் ரஷ்யாவுக்கு அஸர்பைஜான் 3 கோரிக்கைகளை வைத்தது.

முதலில் ரஷ்யா மன்னிப்புக் கேட்கவேண்டும்.

இரண்டாவதாக ரஷ்யா அதன் தவற்றை ஒப்புக்கொள்ளவேண்டும்.

மூன்றாவது அந்தச் சம்பவத்துக்குக் காரணமானவர்கள் தண்டிக்கப்படவேண்டும் என்று அதிபர் இல்ஹம் கேட்டுக்கொண்டார்.

ஏற்கனவே ரஷ்ய அதிபர் புட்டின் மன்னிப்புக் கேட்டுவிட்டார்.

அந்த விபத்து துயரமானது என்று கூறிய திரு புட்டின் அதற்குப் பொறுப்பேற்கவில்லை.

Aktau நகருக்கு அருகே சம்பவம் நடந்த இடத்தில் ரஷ்யா, அஸர்பைஜான், கஸக்ஸ்தான் ஆகிய நாடுகள் கூட்டு விசாரணை மேற்கொள்வதாக கிரெம்ளின் (Kremlin) தெரிவித்தது.

விபத்துக்குள்ளான விமானத்தில் 67 பயணிகள் இருந்தனர்.

38 பேர் மாண்டனர். 29 பேர் உயிர்பிழைத்தனர்.