வருட முதலிலேயே மகிழ்ச்சி நியூஸ்; சிலிண்டர் விலை குறைவு

வணிக பயன்பாட்டு சிலிண்டரின் விலை குறைந்துள்ளது.

சிலிண்டர் விலை

வர்த்தக எரிவாயு சிலிண்டர் விலையை உலக மார்க்கெட் நிலவரத்தை பொருத்து, எண்ணெய் நிறுவனங்கள் ஒவ்வொரு மாதமும் முதல் தேதியில் மாற்றம் செய்து வருகின்றன.

கச்சா எண்ணெய் விலைக்கேற்ப நிர்ணையித்துக் கொள்ள எண்ணெய் நிறுவனங்களுக்கு மத்திய அரசும் அனுமதி கொடுத்துள்ளது. எரிவாயு சிலிண்டர் என்பது வீட்டு பயன்பாட்டு சிலிண்டர் மற்றும் வணிக பயன்பாட்டு சிலிண்டர் என இரண்டு வகையாக உள்ளது.

இன்றைய நிலவரம்
இந்நிலையில், எண்ணெய் நிறுவனங்கள் வெளியிட்டுள்ள அறிவிப்பின்படி, வணிக பயன்பாட்டு சிலிண்டரின் விலை குறைந்துள்ளது. சென்னையில் 19 கிலோ எடை கொண்ட வணிக பயன்பாட்டிற்கான சிலிண்டரின் விலை ரூ.14.50 குறைந்து ரூ.1,966-க்கு விற்பனை செய்யப்படுகிறது.

14 கிலோ எடை கொண்ட வீட்டு உபயோக சிலிண்டர் விலையில் மாற்றமின்றி 818 ரூபாய் 50 காசுகள் என்ற நிலையில் நீடிக்கிறது. வணிக பயன்பாட்டு சிலிண்டரின் விலை கடந்த ஆண்டு ஜூலை மாதம் முதல் மாதந்தோறும் தொடர்ந்து அதிகரித்து வந்த நிலையில், இந்த மாதம் குறைந்துள்ளது குறிப்பிடத்தக்கது.