தரம் ஐந்து புலமைப்பரிசில் பரீட்சை தொடர்பில் உச்ச நீதிமன்றம் வழங்கிய தீர்ப்பு.

தரம் ஐந்து புலமைப்பரிசில் பரீட்சை தொடர்பில் உச்ச நீதிமன்றம் வழங்கிய தீர்ப்பின் பிரகாரம் மிகவும் பொருத்தமான தெரிவை ஆராய சிறிது கால அவகாசம் தேவை என பரீட்சை ஆணையாளர் நாயகம் அமித் ஜயசுந்தர தெரிவித்துள்ளார்.

நேற்று (31) இடம்பெற்ற விசேட செய்தியாளர் மாநாட்டில் கலந்து கொண்ட போதே அவர் இதனைக் குறிப்பிட்டுள்ளார்.

மேலும் கருத்து தெரிவித்த திரு.அமித் ஜயசுந்தர,

“உச்ச நீதிமன்றத்தின் தீர்ப்பை இன்று நான் பெற்றேன். 68 பக்க தீர்ப்பு. மிகவும் பொருத்தமான முடிவை எடுத்து அதை செயல்படுத்த நீதிமன்றம் உத்தரவிட்டது. இது குறித்து விரிவாக ஆய்வு செய்யப்பட்டு வருகிறது. 3 விருப்பங்களில் எது மிகவும் பொருத்தமானது என்று என்னால் உடனடியாக சொல்ல முடியாது. அதை ஆய்வு செய்ய வேண்டும்.

பொதுவாக, புலமைப்பரிசில் பரீட்சை முடிவுகளை வழங்குவதற்கு சுமார் 40 நாட்கள் ஆகும். அதற்கு முன்னுரிமை கொடுத்து செயல்பட்டு வருகிறோம்” என்றார்.

2005ஆம் ஆண்டு செப்டெம்பர் மாதம் 15ஆம் திகதி நடைபெற்ற புலமைப்பரிசில் பரீட்சையின் முதல் தாளில் முதல் மூன்று வினாக்களுக்கு இலவச புள்ளிகள் வழங்குவது அடிப்படை மனித உரிமைகளை மீறும் செயலாகும் என உச்ச நீதிமன்றம் நேற்று வழங்கிய தீர்ப்பு தொடர்பில் பரீட்சை ஆணையாளர் நாயகம் அமித் ஜயசுந்தர இதனைத் தெரிவித்துள்ளார்.