சாவகச்சேரி பகுதியில் கிணற்றில் கிடந்த வயோதிபப் பெண்ணொருவரின் சடலம்.

வியாழன் (02) பிற்பகல் சாவகச்சேரி பொலிஸ் பிரிவுக்குட்பட்ட கிராம்புவில் பகுதியில் உள்ள கிணற்றில் இருந்து வயோதிபப் பெண்ணொருவரின் சடலம் மீட்கப்பட்டுள்ளதாக பொலிஸார் தெரிவித்தனர்.

வயலுக்கு வாழை பயிரிடச் சென்ற வயோதிபப் பெண்ணை காணவில்லை எனத் தெரிவித்ததையடுத்து, குறித்த குழுவினர் அவரைத் தேடிச் சென்ற போது சடலத்தைக் கண்டு பொலிஸாருக்கு அறிவித்துள்ளனர்.

போலீசார் உடலை மீட்டு பிரேத பரிசோதனைக்காக சாவகச்சேரி ஆதார மருத்துவமனையில் ஒப்படைத்துள்ளனர்.