மூத்த பாடகர்களில் ஒருவரான அனில் பாரதியின் குரல் மௌனமாகியது.

நாட்டின் மூத்த பாடகர்களில் ஒருவரான அனில் பாரதி இன்று (22) காலமானார்.

அனில் பாரதி காலமானபோது அவருக்கு 75 வயது.

சுகவீனம் காரணமாக பாணந்துறை மருத்துவமனையில் சிகிச்சை பெற்று வந்த நிலையில் இன்று (22) அவர் காலமானார்.

அனில் பாரதி பாடிய பாடல்களில் பெரும்பாலானவை கிறிஸ்துமஸ் பாடல்கள் என்பது குறிப்பிடத்தக்கது.

இதற்கிடையில், “பெத் லெஹெம் புரெ ” (பெத்லேகம் ஊரில் பிறந்தார் ஏசு பாலகன்) பாடல் ரசிகர்கள் மத்தியில் பிரபலமாகியது.

மொரட்டுவாவின் பிரின்ஸ் ஆஃப் வேல்ஸ் கல்லூரியில் கல்வி கற்ற அனில் பாரதி, இலங்கை ஒலிபரப்பு கூட்டுஸ்தாபனத்தில் 50 ஆண்டுகள் செய்தி அறிவிப்பாளராகவும் , நிகழ்ச்சி தொகுப்பாளராகவும் பணியாற்றினார்.

அதே சமயம் வானொலியின் இயக்குநர் பதவியையும் வகித்தார்.

1970களின் முற்பகுதியில் கோல்டன் சைம்ஸ் (Golden Chimes) இசைக்குழுவின் ஆங்கிலப் பாடகராக தனது இசை வாழ்க்கையைத் தொடங்கிய அனில் பாரதி, இசைக்குழுவின் தலைவரான கிளாரன்ஸ் விஜேவர்தனேவுடன் இணக்கமாகப் பணியாற்றினார். இவர் பிரபலமான பீக்கன்ஸ் நடனக் குழுவின் பேஸ் கிட்டார் கலைஞரான ஜானக பெரேராவின் சகோதரர் ஆவார்.

1970 களில் இருந்து இலங்கை கிறிஸ்துமஸ் கரோல் பாடகராக அறியப்பட்ட அனில் பாரதி, கருணாரத்ன அபேசேகர இசையமைத்த “பெத்லஹெம்புரே” பாடலைப் பாடிய பிறகு பெரும் புகழ் பெற்றார். கிளாரன்ஸ் விஜேவர்தன இசையமைத்த இந்தப் பாடல், லோட்டஸ் (Lotus) லேபிளின் கீழ் ஒலிப்பதிவு செய்யப்பட்டது.

2014 ஆம் ஆண்டில், “கிறிஸ்துமஸ் வந்துவிட்டது – கிறிஸ்துமஸ் கீ சர” என்ற தலைப்பில் 11 பாடல்களைக் கொண்ட ஒரு ஆல்பம் வெளியிடப்பட்டது, மேலும் 2017 ஆம் ஆண்டில், “Selection of Original Christmas Songs with Anil Bhareti” என்ற தலைப்பில் 12 கிறிஸ்துமஸ் பாடல்களைக் கொண்ட மற்றொரு ஆல்பம் வெளியிடப்பட்டது.

அவர் தனது முதல் சிங்கள பாப் பாடலான “அத வெய் ஹிரு தின”வை, லோட்டஸ் லேபிளின் கீழ் கிளாரன்ஸ் விஜேவர்தனவுடன் பதிவு செய்தார். “மா ஆதரே நங்கி” பாடலை கருணாரத்ன அபேசேகர எழுதியுள்ளார் மற்றும் இசையமைத்தவர் கிளாரன்ஸ் விஜேவர்தனே.

அனில் பாரதியின் மறைவு இலங்கை இசைத்துறைக்கு பெரும் இழப்பாகும், குறிப்பாக சிங்கள கிறிஸ்துமஸ் பாடல் பாரம்பரியத்திற்கு அவர் ஆற்றிய பங்களிப்பு ஒப்பிட முடியாதது.

அன்னாருக்கு எமது அஞ்சலிகள் !

அசல் பாடல் First Version :

Film Song