இந்த ஆண்டு சுதந்திர தின கொண்டாட்டத்தின் மாற்றம்

“தேசிய மறுமலர்ச்சிக்காக அணிவகுப்போம்” என்ற கருப்பொருளின் கீழ் பிப்ரவரி 4 ஆம் தேதி சுதந்திர சதுக்கத்தில் 77 வது சுதந்திர தின நினைவு விழாவை நடத்த அனைத்து ஏற்பாடுகளும் செய்யப்பட்டுள்ளன.

இந்த ஆண்டு சுதந்திர தின கொண்டாட்டங்களுக்காக ஈடுபடுத்தப்படும் இராணுவ வீரர்களின் எண்ணிக்கை கடந்த ஆண்டை விட 40% குறைக்கப்பட்டுள்ளதாக பாதுகாப்பு செயலாளர் ஏர் வைஸ் மார்ஷல் சம்பத் துய்யகொண்டா தெரிவித்தார்.

சுதந்திர தின கொண்டாட்ட அணிவகுப்பின் அமைப்பு சில மாற்றங்களுக்கு உட்பட்டுள்ளதாக அவர் மேலும் கூறினார்.

அதன்படி, இந்த ஆண்டு இராணுவ அணிவகுப்பு 1,873 உறுப்பினர்களுக்கு மட்டுப்படுத்தப்பட்டுள்ளதாகவும், இது கடந்த ஆண்டை விட 1,511 இராணுவ உறுப்பினர்களின் குறைவு என்றும் பாதுகாப்பு செயலாளர் தெரிவித்தார்.

இந்த ஆண்டு சுதந்திர தின கொண்டாட்டங்களுக்கு முப்படைகளின் கவச வாகனங்கள் பயன்படுத்தப்படாது என்றும் பாதுகாப்பு செயலாளர் தெரிவித்தார்.

இதற்கிடையில், கடற்படை 25 பாரம்பரிய துப்பாக்கி வணக்கங்களை நடத்த திட்டமிடப்படவுள்ளதாகக் கூறிய பாதுகாப்புச் செயலாளர், கடந்த முறை பயன்படுத்தப்பட்ட 19 விமானங்களில், இந்த முறை சுதந்திர தின கொண்டாட்டங்களுக்கு 3 விமானங்கள் மட்டுமே பயன்படுத்தப்படும் என்றும் குறிப்பிட்டார்.

இந்த ஆண்டு சுதந்திர தின விழா “தேசிய மறுமலர்ச்சிக்காக அணிவகுப்போம்” என்ற கருப்பொருளின் கீழ் நடைபெறும் என்று பொது நிர்வாக அமைச்சர் ஏ. எச். எம். எச். அபேரத்ன கூறினார்.

அரசாங்க தகவல் திணைக்களத்தில் இன்று (30) காலை நடைபெற்ற ஊடகவியலாளர் சந்திப்பில் கலந்து கொண்டு உரையாற்றும் போதே அமைச்சர் இவ்வாறு தெரிவித்தார்.

இன்று சுதந்திர தின விழாவிற்கான பயிற்சி நடவடிக்கைகள் நடைபெற்றன.