காசா போர் நிறுத்த ஒப்பந்தத்தில் மேலும் எட்டு பணயக்கைதிகள் விடுவிக்கப்பட்டனர்.

இஸ்ரேல் மற்றும் ஹமாஸ் இடையேயான மூன்றாம் கட்ட போர் நிறுத்த ஒப்பந்தத்தின் கீழ் நேற்று மேலும் எட்டு பணயக்கைதிகள் விடுவிக்கப்பட்டதாக வெளிநாட்டு ஊடகங்கள் செய்தி வெளியிட்டுள்ளன.

அவர்களில் மூன்று இஸ்ரேலியர்களும் ஐந்து தாய்லாந்து நாட்டவர்களும் அடங்குவதாக வெளிநாட்டு ஊடகங்கள் மேலும் தெரிவிக்கின்றன. இதற்கு பதிலளிக்கும் விதமாக, இஸ்ரேலிய அரசாங்கம் 110 பாலஸ்தீன போர்க் கைதிகளை விடுவிக்க திட்டமிடப்பட்டதாக கூறப்படுகிறது.

விடுவிக்கப்பட்ட இஸ்ரேலியர்களில் ஒரு இராணுவ வீரர் உட்பட இரண்டு பெண்களும், 80 வயது முதியவரும் அடங்குவதாகவும், தாய் பணயக்கைதிகள் அனைவரும் ஆண்கள் என்றும் சர்வதேச செஞ்சிலுவைச் சங்கம் அறிவித்துள்ளது.

இருப்பினும், காசா பகுதி நகரமான கான் யூனிஸில் கூடியிருந்த பெரிய கூட்டத்தால் பணயக்கைதிகளை விடுவிப்பதில் இடையூறு ஏற்பட்டதாக செஞ்சிலுவைச் சங்க பிரதிநிதிகள் தெரிவித்துள்ளனர்.