புது திருமணம் தம்பதிகளுக்கு வீட்டுக் கடன்

புதிதாக திருமணம் செய்து கொள்ளும் தம்பதியினருக்கு வீடு கட்ட கடன் வழங்கும் திட்டம் தொடங்கப்படும் என்று நகர அபிவிருத்தி, கட்டுமான மற்றும் வீட்டு அபிவிருத்தி அமைச்சின் செயலாளர் ரஞ்சித் ஆரியரத்ன தெரிவித்துள்ளார்.

வீடு கட்டுவதற்கு வழங்கப்படும் தொகை இதுவரை தீர்மானிக்கப்படவில்லை என்றும் செயலாளர் குறிப்பிட்டார்.

வேலை இல்லாதவர்களுக்கு அந்த வீட்டுக் கடன் வழங்கப்படும் என்றும், சம்பந்தப்பட்ட கடன் தொகை அரசு வங்கிகள் மூலம் வழங்கப்படும் என்றும் தெரிவிக்கப்பட்டுள்ளது.

கடன் தொகையை திருப்பிச் செலுத்தக்கூடியவர்களைத் தேர்ந்தெடுத்தே கடன் வழங்கப்படும் என்றும் செயலாளர் மேலும் தெரிவித்தார்.