கிளிநொச்சி வைத்தியசாலையின் எக்ஸ்ரே அறையில் தீ விபத்து : தீயணைப்பு உபகரணங்கள் காலாவதியானதால் தீயை அணைக்க தாமதம்!

கிளிநொச்சி வைத்தியசாலையின் எக்ஸ்ரே அறையில் நேற்று முன்தினம் (15) திடீரென தீப்பிடித்ததில், அங்கிருந்த பல உபகரணங்கள் தீயில் கருகி நாசமாகியுள்ளன.

இந்த சந்தர்ப்பத்தில், வைத்தியசாலையில் பொருத்தப்பட்டிருந்த அனைத்து தீயணைப்பு உபகரணங்களையும் பயன்படுத்த வைத்தியசாலை ஊழியர்கள் நடவடிக்கை எடுத்துள்ளனர். ஆனால் அவை காலாவதியான தீயணைப்பு உபகரணங்களாக இருந்ததால், அவை சரியாக செயல்படவில்லை என்று கூறப்படுகிறது.

கிளிநொச்சி வைத்தியசாலை வளாகத்திலேயே மற்றொரு திட்டத்தின் கீழ் கட்டப்பட்ட கட்டிடத்தில் பொருத்தப்பட்டிருந்த சில தீயணைப்பு உபகரணங்களை அகற்றி வந்த ஊழியர்கள், கடும் முயற்சி செய்து தீயைக் கட்டுப்படுத்தியதால், மிகவும் மதிப்புமிக்க பொருட்கள் மற்றும் உபகரணங்கள் வைக்கப்பட்டிருந்த எக்ஸ்ரே அறைக்கு தீ பரவுவதை தடுக்க முடிந்துள்ளது.

இருப்பினும், இந்த தீ விபத்தின் காரணமாக அழிக்கப்பட்ட பல உபகரணங்களை மீண்டும் பயன்படுத்த முடியாததால், கிளிநொச்சி வைத்தியசாலைக்கு சுமார் 25 லட்சம் ரூபாய் இழப்பு ஏற்பட்டுள்ளது.

இந்த தீ விபத்துக்கான காரணம் இதுவரை கண்டறியப்படவில்லை.

கிளிநொச்சி பொலிஸார் இது தொடர்பாக விசாரணைகளை மேற்கொண்டு வரும் அதே வேளையில், கிளிநொச்சி வைத்தியசாலையும் இந்த தீ விபத்து தொடர்பாக உள் மட்ட விசாரணையை ஆரம்பித்துள்ளது.

இருப்பினும், கிளிநொச்சி வைத்தியசாலையில் பொருத்தப்பட்டுள்ள அனைத்து தீயணைப்பு உபகரணங்களும் காலாவதியாகி பல வருடங்கள் ஆகிவிட்டதாக நடத்திய சோதனைகளில் தற்போது தெரியவந்துள்ளது.