சுமந்திரனுக்கு புதிய பதவி!

இலங்கை தமிழ் அரசு கட்சியின் (ITAK) புதிய பதில் பொதுச் செயலாளராக முன்னாள் பாராளுமன்ற உறுப்பினர் எம்.ஏ.சுமந்திரன் நியமிக்கப்பட்டுள்ளார்.

நேற்று (பெப்ரவரி 16) மட்டக்களப்பு, கலவஞ்சிக்குடி பகுதியில் நடைபெற்ற கட்சியின் மத்திய செயற்குழுக் கூட்டத்தில் எடுக்கப்பட்ட தீர்மானத்தின்படி இந்த நியமனம் செய்யப்பட்டுள்ளது.

முன்னதாக, இலங்கை தமிழ் அரசு கட்சியின் பொதுச் செயலாளராக வட மாகாண சபையின் முன்னாள் அமைச்சர் பி.ஏ.சத்தியலிங்கம் பதவி வகித்து வந்தார். தற்போது அவர் உடல்நலக் குறைவால் இருப்பதால், பதில் பொதுச் செயலாளரை நியமிக்க கட்சி மத்திய செயற்குழு நடவடிக்கை எடுத்திருந்தது.