“ஜனாதிபதி விரும்பினால் இரண்டரை ஆண்டுகளில் அரசாங்கத்தை கலைக்க முடியும் – நாட்டை பொறுப்பேற்க நான் தயாராக இருக்கிறேன்” நாமல் ராஜபக்ச!

ஜனாதிபதி எப்போது வேண்டுமானாலும் அரசாங்கத்தை கலைத்தால் நாட்டை பொறுப்பேற்க தான் தயாராக இருப்பதாக ஸ்ரீலங்கா பொதுஜன பெரமுனவின் தேசிய அமைப்பாளரும் பாராளுமன்ற உறுப்பினருமான நாமல் ராஜபக்ச தெரிவித்துள்ளார்.

கட்சி தலைமையகத்தில் நடந்த உறுப்பினர் மேம்பாட்டு நிகழ்ச்சியில் கலந்து கொண்டு அவர் இதனை தெரிவித்தார்.

அவர் மேலும் கூறியதாவது,

“அரசாங்கத்தின் காலக்கெடு 5 ஆண்டுகள் என்பதை நினைவில் கொள்ளுங்கள். போராட்டம் நடத்தி, வீடுகளை எரித்து, எம்.பி.க்களைக் கொன்று அரசாங்க அதிகாரத்தைப் பெற எங்களுக்கு ஆயுதப் படைகள் இல்லை. எனவே, நாங்கள் ஜனநாயக ரீதியாக செல்கிறோம். இந்த 159 பேரை வைத்து பலனில்லை என்று ஜனாதிபதி நினைத்தால், இரண்டரை ஆண்டுகளில் கலைக்கலாம்.

எங்களுக்கு ஒரு பார்வை, ஒரு நிகழ்ச்சி நிரல், ஒரு திட்டம் உள்ளது, நாங்கள் வேலை செய்துள்ளோம், வேலையை காட்டியுள்ளோம். அதனால் எந்த நேரத்திலும் நாட்டை பொறுப்பேற்க நாங்கள் தயாராக இருக்கிறோம்.