போக்குவரத்து காவல் சீருடையில் கேமரா.

போக்குவரத்து பணியில் ஈடுபடும் காவல்துறை அதிகாரிகளின் வசதிக்காக, அவர்களின் சீருடையில் அணியக்கூடிய 5,000 கேமராக்களை (உடையில் பொருத்தும் கேமரா) வாங்க இலங்கை காவல்துறை திட்டமிட்டுள்ளது.

இந்த கேமரா ஒவ்வொன்றின் விலையும் சுமார் ஒன்றரை லட்சம் ரூபாய் என்று காவல்துறை வட்டாரங்கள் தெரிவிக்கின்றன.

இந்த 5,000 கேமராக்களையும் சீனாவில் இருந்து ஓர்டர் செய்ய திட்டமிட்டுள்ளதாக, இதுகுறித்து விசாரித்தபோது, போக்குவரத்து கட்டுப்பாடு மற்றும் சாலை பாதுகாப்புக்கான துணை போலீஸ் அதிகாரி இந்திக ஹபுகொட தெரிவித்தார்.

போக்குவரத்து பணியில் ஈடுபடும் சில அதிகாரிகள் மீது பல்வேறு நபர்கள் பல்வேறு குற்றச்சாட்டுகளை முன்வைப்பதாகவும், அதிகாரிகள் தங்கள் சீருடையில் இந்த கேமராக்களை அணிந்திருந்தால், அந்த குற்றச்சாட்டுகளின் உண்மைத்தன்மையை உறுதிப்படுத்த முடியும் என்றும் போக்குவரத்து காவல்துறை கூறுகிறது.

சாலை பாதுகாப்பை மேம்படுத்தவும், விபத்துகளை குறைக்கவும், அமெரிக்காவில் இருந்து அதிக எண்ணிக்கையிலான லேசர் கதிர் வேகமானிகளை ஆர்டர் செய்யவும் இலங்கை காவல்துறை திட்டமிட்டுள்ளது.