அமைச்சர்கள் இரண்டு சம்பளம் வாங்கியது அனுரவின் மற்றொரு பொய்… அதை நிறுத்தியது ரணில்…! – திஸ்ஸ அத்தநாயக்க விளக்கம்!

இதுவரை அமைச்சர்கள் அமைச்சர் சம்பளம் மற்றும் நாடாளுமன்ற உறுப்பினர் சம்பளம் என இரண்டு சம்பளமும் பெற்றதாக ஜனாதிபதி அனுர திசாநாயக்க கூறியது பொய்யானது என ஐக்கிய மக்கள் சக்தியின் தேசிய அமைப்பாளர் திஸ்ஸ அத்தநாயக்க தெரிவித்தார்.

2001 ஆம் ஆண்டு அப்போதைய பிரதமர் ரணில் விக்கிரமசிங்க நாட்டின் பொருளாதாரம் சரியில்லாததால் அமைச்சர்கள் நாடாளுமன்ற உறுப்பினர் சம்பளம் மட்டும் பெற வேண்டும் என்று உத்தரவிட்டதாக அவர் சுட்டிக்காட்டினார்.

அவ்வாறு இரண்டு சம்பளம் வழங்க முடியாது என்றும், அது தணிக்கையில் பெரிய பிரச்சனையாக இருக்கும் என்றும் கூறிய திஸ்ஸ அத்தநாயக்க , இது மக்களை தவறாக வழிநடத்தும் நோக்கில் செய்யப்பட்ட அறிக்கை என்றும் குற்றம் சாட்டினார்.

அனுர திசாநாயக்க தனது அரசாங்கத்தின் அமைச்சர்களுக்கு நாடாளுமன்ற உறுப்பினர் சம்பளத்தில் வேலை செய்யுமாறு உத்தரவிடவில்லை என்றும் அவர் குறிப்பிட்டார்.