வடமத்திய மாகாண முதலமைச்சராக பதவி வகித்த எஸ்.எம். ரஞ்சித்துக்கு 16 ஆண்டுகள் கடுங்காவல் சிறைத்தண்டனை

லஞ்ச ஒழிப்பு ஆணையம் ஊழல் குற்றச்சாட்டுக்களின் கீழ் தாக்கல் செய்த வழக்குகளில் குற்றவாளியாக காணப்பட்ட வடமத்திய மாகாணத்தின் முன்னாள் முதலமைச்சர் எஸ்.எம். ரஞ்சித் மற்றும் அவரது தனிப்பட்ட செயலாளராக பணியாற்றிய சாந்தி சந்திரசேன ஆகியோருக்கு கொழும்பு மேல் நீதிமன்றம் தலா 16 ஆண்டுகள் கடுங்காவல் சிறைத்தண்டனை விதித்தது.

இதற்கு மேலதிகமாக, குற்றவாளிகளுக்கு தலா இரண்டு லட்சம் ரூபா அபராதமும் விதிக்கப்பட்டது.

வடமத்திய மாகாண முதலமைச்சராக பதவி வகித்த காலத்தில் சட்டத்திற்கு புறம்பாக எரிபொருள் கொடுப்பனவாக 2,080,500 ரூபாயை பெற்று ஊழல் செய்ததாக குற்றம் சாட்டப்பட்டு இந்த வழக்கு லஞ்ச ஒழிப்பு ஆணையத்தால் தாக்கல் செய்யப்பட்டது.