மெர்வின் சில்வாவுக்கு ஏப்ரல் 9 வரை மீண்டும் விளக்கமறியல்… தலைமறைவாக இருக்கும் பிரசன்ன ரணவீரவின் சொத்துக்களை பறிமுதல் செய்ய அரசு பரிசீலனை…

முன்னாள் அமைச்சர் மெர்வின் சில்வாவை ஏப்ரல் 9 ஆம் திகதி வரை தொடர்ந்து விளக்கமறியலில் வைக்க நீதிமன்றம் உத்தரவிட்டுள்ளது. இன்று (03) மஹர நீதவான் நீதிமன்றத்தில் ஆஜர்படுத்தப்பட்ட பின்னரே இந்த உத்தரவு பிறப்பிக்கப்பட்டது.

மெர்வின் சில்வா உட்பட இரண்டு சந்தேக நபர்கள் கைது செய்யப்பட்டு சிறையில் அடைக்கப்பட்டுள்ளனர். இவர்கள் கிரிபத்கொட பிரதேசத்தில் அரசாங்கத்திற்கு சொந்தமான நிலத்தை போலியான ஆவணங்கள் தயாரித்து விற்பனை செய்த சம்பவம் தொடர்பாக குற்றப் புலனாய்வுத் திணைக்களம் மேற்கொண்ட விசாரணையின் அடிப்படையில் கைது செய்யப்பட்டனர்.

குற்றம் சாட்டப்பட்ட முன்னாள் இராஜாங்க அமைச்சர் பிரசன்ன ரணவீர உட்பட மூவர் தற்போது தலைமறைவாக உள்ளனர். அவர்கள் நீதிமன்றத்திற்கு வராமல் மறைந்துள்ளனர்.

தற்போது தலைமறைவாக இருக்கும் பிரசன்ன ரணவீர உட்பட மூவரின் சொத்துக்களை பறிமுதல் செய்யுமாறு குற்றப் புலனாய்வுத் திணைக்களம் நீதிமன்றத்தில் கோரிக்கை வைத்துள்ளது.

அந்த கோரிக்கை ஏப்ரல் 9 ஆம் திகதி பரிசீலிக்கப்பட உள்ளது.