“TikTok-ஐ 75 நாள்களில் விற்றாக வேண்டும்” – விடா பிடியாக டிரம்ப்

அமெரிக்க அதிபர் டோனல்ட் டிரம்ப் Byte Dance நிறுவனம் TikTok செயலியை அமெரிக்க நிறுவனத்திடம் விற்க இன்னும் 75 நாள்களைக் கூடுதலாக வழங்கியுள்ளார்.

அப்படிச் செய்யாவிட்டால் செயலி அமெரிக்காவில் தடை செய்யப்படும்.

அமெரிக்க நிறுவனம் செயலியை நிர்வகிக்கும் ஒப்பந்தம் கிட்டத்தட்ட முடிவுசெய்யப்படும் நிலையில் இருந்தது.

ஆனால் அதற்குச் சீனா அனுமதிக்கவில்லை என்று விவகாரத்தை நன்கு அறிந்த தரப்புகள் கூறியதாய் AP செய்தி நிறுவனம் குறிப்பிட்டது.

அந்த ஒப்பந்தம் நிறைவேற்றப்பட்டிருந்தால் அமெரிக்காவில் TikTok செயலி முதலீட்டாளர்களால் நிர்வகிக்கப்பட்டிருக்கும்.

ByteDance நிறுவனத்தின் பங்கு 20 விழுக்காட்டிற்கும் குறைவாக இருக்கும்.

அண்மையில் சீனாவிலிருந்து இறக்குமதி செய்யப்படும் பொருள்களுக்கு 54 விழுக்காடு வரியை அதிபர் டிரம்ப் விதித்தார்.

TikTok செயலியை விற்றால் வரியைக் குறைப்பதைப் பற்றி யோசிக்கலாம் என்று அவர் கூறியிருந்தார்.