தேசபந்துவுக்கு பயந்து நீதிமன்றத்தில் பாதுகாப்பு கோரும் சிரேஷ்ட பிரதி பொலிஸ்மா அதிபர்!

சிரேஷ்ட பிரதி பொலிஸ்மா அதிபர் நிஷாந்த சொய்ஸா குற்றப் புலனாய்வுத் திணைக்களத்திடம் பாதுகாப்பு கோரியுள்ளதாக நேற்று முன்தினம் மாத்தறை நீதிமன்றத்தில் தெரிவிக்கப்பட்டது. பிரதி சொலிசிட்டர் ஜெனரல் திலீப பீரிஸ் கூறுகையில், சிரேஷ்ட பிரதி பொலிஸ்மா அதிபர் ஒருவர் தனது உயிருக்கு பாதுகாப்பு கேட்டு நீதிமன்றத்தை நாடியுள்ளமை ,தான் அறிந்த வரலாற்றில் இதுவே முதல் முறை என்றார்.

நிஷாந்த சொய்ஸா , தான் தேசபந்துவுக்கு மிகவும் பயப்படுவதாகக் கூறுகிறார். ஆனால் பொலிஸ் வட்டாரங்கள் , தேசபந்துவின் சட்டவிரோத செயல்களில் நிஷாந்த சொய்ஸா உதவியாக இருந்ததாக தெரிவிக்கின்றன. அவர் திறமையான அதிகாரியாக இருந்தபோதும், புரியாத வகையில் தேசபந்துவுக்கு ஆதரவாக இருந்த ஒரு வரலாறு அவருக்கு இருப்பதாக பொலிஸ் தகவல்கள் தெரிவிக்கின்றன.

அப்பாவி மக்களை , போதைப்பொருள் வியாபாரிகள் மற்றும் கொலைகாரர்களாக மாற்றிய, போதைப்பொருள் இல்லாதவர்களை போதைப்பொருள் வியாபாரிகளாக உருவாக்கிய “நீதிக்கான பிரச்சாரத் திட்டத்தில்” அவர் குறிப்பிடத்தக்க பங்காற்றியதாகவும் கூறப்படுகிறது.

ஒன்று இரண்டை நினைவுபடுத்த முடியும் என சொல்லும் போது, பொலிஸ்மா அதிபர் சி.டி. விக்ரமரத்னவுக்குப் பிறகு பொலிஸ்மா அதிபர் பதவியை தற்காலிகமாக நிரப்ப தகுதியானவர் யார் என்பது குறித்து ரணில் விக்ரமசிங்க அரசாங்கத்தில் பேச்சுக்கள் நடந்தன. ஈஸ்டர் தாக்குதலின் பொறுப்பு தொடர்பான நீதிமன்ற விசாரணைகள் காரணமாக உயர்மட்டத்தில் உள்ள சில சிரேஷ்ட அதிகாரிகளை ஒதுக்கிவிட்டு, வேறு ஒருவருக்கு பொறுப்பை வழங்க அரசாங்கம் முயற்சித்தது. அப்போது தற்போதைய பதில் பொலிஸ்மா அதிபர் பிரியந்த வீரசூரியாவின் பெயரும் முக்கியமாக பரிசீலிக்கப்பட்டது.

ஆனால் பொலிஸ் பொறுப்பு அமைச்சர் மற்றும் தேசபந்து தென்னக்கோன் ஆகியோர் , பொலிஸ்மா அதிபராக வருவதற்காக முடிவில்லாத விளையாட்டில் ஈடுபட்டிருந்தனர். இந்த ஜோடி தங்களது செல்வாக்கினால் நிறைவேற்று அதிகாரங்களைக் கொண்ட ஜனாதிபதி ரணில் விக்ரமசிங்கவால் கூட கட்டுப்படுத்த முடியாத நிலைக்கு அந்த கேமை கொண்டு சென்றனர்.

தேசபந்துவை விலக்கும் ரணில் அரசாங்கத்தின் முயற்சி குறித்த செய்தி பரவியவுடன், பிரியந்த வீரசூரிய ஒரு பெண்ணின் மீது நாட்டம் கொண்டவர் என்றும், அவருக்கு எதிராக நிதி மோசடி குற்றச்சாட்டுகள் இருப்பதாகவும் பொது பாதுகாப்பு அமைச்சின் சிறப்பு பிரிவுக்கு புகார்கள் குவிந்தன. அந்த நேரத்தில் பொலிஸ் புலனாய்வு பிரிவின் முக்கிய பொறுப்பை நிஷாந்த சொய்ஸா வகித்தார்.

இதற்கிடையில் பிரியந்த வீரசூரியவுக்கு எதிராக பொலிஸ் சிறப்பு பிரிவு மூலம் விசாரணை தொடங்கப்பட்டது. அது பொலிஸ்மா அதிபர் சி.டி. விக்ரமரத்னவுக்கு கூட தெரியாமல் நடந்தது. சிறப்பு பிரிவு உள்நாட்டு அதிகாரிகளுக்கான விசாரணைகளின் போது புலனாய்வு அறிக்கைகளை பொலிஸ்மா அதிபரின் அனுமதியுடன் பெற வேண்டும். ஆனால் அப்படி எதுவும் நடக்கவில்லை.

இது குறித்து அறிந்தவுடன் சி.டி. விக்ரமரத்ன , நிஷாந்த சொய்ஸா மற்றும் தேசபந்து தென்னக்கோன் ஆகியோருக்கு இதுபோன்ற கீழ்த்தரமான செயல்களில் ஈடுபட வேண்டாம் என்று தெரிவித்தார்.

ஆனால் அரசியல் செல்வாக்குடன் அந்த விசாரணை இறுதிக்கட்டத்தை அடைந்திருந்தது. புலனாய்வு அறிக்கையை அதிகாரிகளின் குழு மதிப்பீடு செய்வது அடுத்த கட்டம். எப்படியிருந்தாலும் பொலிஸ் அதிகாரிகள் தங்கள் கடமையை சரியாக செய்தனர். அதனால்தான் பிரியந்த வீரசூரிய பின்னர் பதில் பொலிஸ்மா அதிபராக முடிந்தது.

எப்படியிருந்தாலும் இப்போது நாம் நிஷாந்த சொய்ஸா பரிதாபமானவர் என்று நினைக்கிறோம். அவர் பதில் பொலிஸ்மா அதிபர் பிரியந்த வீரசூரியவுக்கு எதிராக விளையாட முயன்றதும் , தேசபந்துவுக்கு பயந்திருக்கலாம் என்பது எங்கள் எண்ணம்.

மேலும் தேசபந்துவுடன் இணைந்து அவர் செய்த ஒவ்வொரு தந்திரமான செயலும் அவருக்கு பயந்தே நடந்திருக்கலாம். இப்போது அவர் நீதிமன்றத்திற்கு பயந்து தேசபந்துவை காட்டிக்கொடுக்கிறார் என்பது எங்கள் மதிப்பீடு என உள்ளக தகவல்கள் தெரிவிக்கின்றன.