பைடனுக்கு மிக முக்கிய வெற்றி! தமிழ்க் கூட்டமைப்பு மகிழ்ச்சி

பைடனுக்கு மிக முக்கிய வெற்றி! தமிழ்க் கூட்டமைப்பு மகிழ்ச்சி!! – கமலாவுக்கும் சேர்த்து வாழ்த்து

அமெரிக்க ஜனாதிபதித் தேர்தலில் ஜனநாயகக் கட்சி சார்பில் போட்டியிட்ட ஜோ பைடன் ஜனாதிபதியாகவும், இந்திய தமிழ் வம்சாவளியைச் சேர்ந்த கமலா ஹரிஸ் அமெரிக்காவின் முதலாவது பெண் துணை ஜனாதிபதியாகவும் தெரிவுசெய்யப்பட்டுள்ளமைக்குத் தமிழ்த் தேசியக் கூட்டமைப்பு வாழ்த்துத் தெரிவித்துள்ளது.

இலங்கையில் தமிழ் மக்களைப் பிரதிநிதித்துவப்படுத்தும் பிரதான கட்சி என்ற வகையில் இந்த வாழ்த்தைத் தெரிவித்துக்கொள்கின்றோம் என்று தமிழ்த் தேசியக் கூட்டமைப்பின் ஊடகப் பிரிவு தனது ருவிட்டரில் பதிவிட்டுள்ளது.

அமெரிக்காவில் மிக முக்கியமான வெற்றியைப் (Momentous Victory) பெற்று புதிய ஜனாதிபதியாகத் தெரிவுசெய்யப்பட்டுள்ள ஜோ பைடனுக்கும், துணை ஜனாதிபதியாகத் தெரிவுசெய்யப்பட்டுள்ள கமலா ஹரிஸுக்கும் தமிழ்த் தேசியக் கூட்டமைப்பு பாராட்டையும், வாழ்த்துக்களையும் தெரிவித்துக் கொள்கின்றது எனவும் அந்த ருவிட்டர் பதிவில் மேலும் குறிப்பிடப்பட்டுள்ளது.