டிரம்ப் தோல்வியை ஒப்புக் கொள்ளாமை இலங்கை, ஜிம்பாப்வே போல இருக்கிறது – ஐரிஷ் முன்னாள் ஜனாதிபதி

டிரம்ப் தோல்வியை ஒப்புக் கொண்டு செல்ல முடியாதென்பது  இலங்கை, கென்யா மற்றும் ஜிம்பாப்வே தலைவர்களைப் போல இருக்கிறது : ஐரிஷ் முன்னாள் ஜனாதிபதி மேரி ராபின்சன்

முன்னாள் ஐரிஷ் அதிபர் மேரி ராபின்சன், டொனால்ட் டிரம்ப் அமெரிக்க ஜனாதிபதி தேர்தலில் தோல்வியை ஏற்கத் தவறியதை “கென்யா, இலங்கை மற்றும் ஜிம்பாப்வேயின் நிலைமையை போல உள்ளது” என ஒப்பிட்டுள்ளார்.

டிரம்பின் நடத்தையை இந்த நாடுகளில் உள்ள ஆபத்தான மற்றும் ஜனநாயக விரோத நிலைமைகளுடன் மேரி ராபின்சன் ஒப்பிட்டார்.

கென்யா, இலங்கை மற்றும் ஜிம்பாப்வே போன்ற நாடுகளில் நிலையற்ற மற்றும் ஜனநாயக விரோத சூழ்நிலைகள் குறித்து முதியவர்கள் முன்னர் கருத்து தெரிவித்ததால் அமெரிக்க ஜனநாயக வழிமுறைகள் குறித்து கவலைகளை எழுப்ப வேண்டிய நிலையால் அதிர்ச்சியளிக்கிறது.

அதன்படி, ஜனநாயக அதிகார மாற்றத்தை மதிக்க வேண்டாம் என்ற டிரம்பின் முடிவை முன்னாள் ஐரிஷ் அதிபர் மேரி ராபின்சன் கடுமையாக விமர்சித்துள்ளார்.

டிரம்பின் நடத்தை அமெரிக்க எல்லைக்கு அப்பால் நீண்டகால விளைவுகளை ஏற்படுத்தும் என்றும் அவர் மேலும்  தெரிவித்துள்ளார்.

டிரம்பிற்கு முன்பு குடியரசுக் கட்சியின் கடைசி ஜனாதிபதி ஜார்ஜ் டபிள்யூ புஷ் ஆவார். மேரி ராபின்சன், புஷ் கூட இப்போது பிடனை வாழ்த்தியுள்ளனர். தற்போது உயிரோடு உள்ள முன்னாள் அனைத்து  அமெரிக்க ஜனாதிபதிகளும் கட்சி பேதமின்றி பிடனின் வெற்றியை ஒப்புக் கொண்டுள்ளனர் என்று குறிப்பிட்டார். அமெரிக்க தேர்தலின் முடிவுகள் தெளிவாகவும் நியாயமானதாகவும் இருப்பதாக அவர் மேலும் கூறினார்.

அவர் அமைதி, நீதி மற்றும் மனித உரிமைகளுக்காக வாதிடும் ஒரு அமைப்பான The Elders அமைப்பை பிரதிநிதித்துவப்படுத்துகிறார். 2007 இல் நிறுவப்பட்ட இந்த அமைப்பு நெல்சன் மண்டேலாவால் நிறுவப்பட்டது.

முன்னாள் ஐரிஷ் ஜனாதிபதி காலநிலை மாற்றம் மற்றும் ஜனநாயகம் குறித்து குரல் எழுப்பியதற்காக அறியப்பட்டவர், ஒருமுறை டொனால்ட் டிரம்பை ஒரு ”bully” (சண்டியன்)  என வர்ணித்திருந்தார்.