நாட்டில் விபத்துக்களால் வருடாந்தம் 3 ஆயிரம் பேர் சாவு 15 ஆயிரம் பேர் அங்கவீனம்; 20 ஆயிரம் பேர் காயம்.

இலங்கையில் விபத்துக்களால்
வருடாந்தம் 3 ஆயிரம் பேர் சாவு
15 ஆயிரம் பேர் அங்கவீனம்; 20 ஆயிரம் பேர் காயம்

இலங்கையில் தினமும் வீதி விபத்துக்களால் 5 தொடக்கம் 10 பேர் வரை உயிரிழக்கின்றனர் என்று பொலிஸ் ஊடகப் பேச்சாளரான பிரதி பொலிஸ்மா அதிபர் அஜித் ரோஹண தெரிவித்தார்.

ஊடகங்களிடம் நேற்று கருத்து வெளியிட்டபோதே அவர் மேற்கண்டவாறு கூறினார்.

இதன்படி வருடாந்தம் வீதி விபத்துக்களால் 3 ஆயிரம் பேர் மரணிக்கின்றனர் என்றும் அவர் குறிப்பிட்டார்.

மேலும், வீதி விபத்துக்களால் 15 ஆயிரம் பேர் அங்கவீனர்களாகின்றனர் என்றும், 20 ஆயிரம் பேர் காயமடைகின்றனர் என்றும் அவர் மேலும் தெரிவித்தார்.