தரவுத்தள மேலாண்மை பயிற்சி நெறி முன்னெடுப்பு..

தரவுத்தள மேலாண்மை பயிற்சி நெறி முல்லைத்தீவு மாவட்ட செயலகத்தால் முன்னெடுக்கப்பட்டுள்ளது.

மாவட்ட செயலக உத்தியோகத்தர்களின் வினைத்திறனை மேம்படுத்தும் நோக்கில், தரவுத்தள மேலாண்மை (Database Management) பயிற்சி நெறி 25ம் திகதி தொடக்கம் இன்று(27) வரையான மூன்று தினங்கள் மாவட்ட செயலக மனிதவள மேம்பாட்டு பிரிவின் ஏற்பாட்டில் இலங்கை தொழிற்பயிற்சி அதிகார சபை(VTA) முல்லைத்தீவு கணினி பயிற்சி மண்டபத்தில் இடம்பெற்றுள்ளது.

மேற்குறித்த பயிற்சி நெறியின் வளவாளர்களாக மாவட்ட செயலக தகவல் மற்றும் தொடர்பாடல் தொழில்நுட்ப உத்தியோகத்தர்களான Y.மதுசூதன், ஆன் டர்சிகா மரியகுணரட்ணம் மற்றும் அபிவிருத்தி உத்தியோகத்தர் மு. மகிம்சன் ஆகியோர் கலந்து கொண்டனர்.

குறித்த மூன்று தினங்களும் காலை 09.00மணி தொடக்கம் மாலை 04.00 மணிவரை நடைபெற்ற இப் பயிற்சி நெறியில், உத்தியோகத்தர்கள் குறித்த பயிற்சி நெறிக்கு online ஊடக விண்ணப்பித்த அவர்களது விருப்பத்தின் அடிப்படையில் தெரிவு செய்யப்பட்டமை குறிப்பிடத்தக்கது.