நிலவேம்பு கசாயம் தயாரிப்பது எப்படி? எப்போது, எவ்வளவு குடிக்க வேண்டும்?

தேவையான மூலப்பொருள்கள்

நிலவேம்பு, வெட்டிவேர், விலாமிச்சை வேர், சந்தனம், கோரைக்கிழங்கு (கோரைப்புல்லின் கிழங்கு), பேய்ப்புடல் (புடலங்காய் வகைத் தாவரம்), பற்படாகம் (புல் வகையைச் சேர்ந்தது), சுக்கு, மிளகு – இந்த 9 மூலிகைகளத்தான் நிலவேம்பு குடிநீர் தயாரிக்க நாம பயன்படுத்துறோம்.

தயாரிக்கும் முறை (Nilavembu Kashayam Preparation in Tamil)
இந்த மூலப்பொருள்கள ஒவ்வொன்னையும் சம அளவு எடுத்துக்கணும்.

நிலவேம்புக் குடிநீர் தயாரிக்க பயன்படுத்தப்படும் மூலப்பொருள்கள் கூட 8 மடங்கு தண்ணீர் சேர்த்து, அதை 4 மடங்கா வத்தும் வரைக்கும் கொதிக்க வைக்கணும். அப்புறமா ஆற வச்சு வடிகட்டினா நிலவேம்புக் குடிநீர் தயாராகிடும்.

உதாரணத்துக்கு, 5 கிராம் மூலிகைகள்கூட 200 மில்லி தண்ணி சேர்த்து, அது 50 மில்லியா வத்திய பிறகு அதை ஆற வச்சு குடிக்கலாம்.

எப்படிக் குடிக்க வேண்டும்?

நிலவேம்பு கசாயம், நிலவேம்பு குடிநீர், Nilavembu Kashayam, Nilavembu Kudineer

நிலவேம்புக் குடிநீர, இளஞ்சூடாக குடிப்பதுதான் நல்லது. அதுவும் தயாரித்த 3 மணி நேரத்துக்குள்ள குடிச்சிடணும். நேரம் போகப் போக, அதோட வீரியம் குறைஞ்சிடும். அதேபோல, நேத்து தயார் செஞ்ச நிலவேம்புக் குடிநீர, அடுத்த நாள்வரைக்கும் வச்சி குடிக்கறத தவிர்க்கணும். ஃபிரிஜ்ல வச்சு குடிக்கற தப்ப செய்ய மாட்டீங்கன்னு நம்புறேன்.

எப்போது, எவ்வளவு குடிக்கலாம்?

காலையிலயும் இரவும் உணவுக்கு முன்னாடி இரண்டு வேள நிலவேம்பு குடிநீர குடிக்கலாம்.

ஒருத்தரோட வயசப் பொருத்து நிலவேம்புக் குடிநீரை ஒரு நாளைக்கு 10 மி.லி முதல் 50 மி.லி வரை குடிக்கலாம். குழந்தைகளும் கர்ப்பிணி பெண்களும் மருத்துவரோட ஆலோசனைய பெற்று குடிக்கணும்.

2 முதல் 5 வயசுள்ள குழந்தைக ஒருநாளைக்கு 5 மி.லி, 5 முதல் 8 வயசுள்ள குழந்தைக ஒருநாளைக்கு 10 மி.லி, 8 முதல் 12 வயசுள்ள பசங்க 20 மி.லி, 12 முதல் 15 வயசுள்ள பசங்க 30 மி.லி, 15 வயசுக்கு மேல உள்ள பெரியவங்க 50 மி.லி வரை குடிக்கலாம்.