பள்ளிகளில் தொடரும் பாலியல் தொல்லை: தீா்வு என்ன ?

பள்ளிகளில் மாணவிகளுக்கு பாலியல் தொல்லைகள் ஏற்படுவது மிகப் பெரிய சமூகப் பிரச்னையாக தொடா்ந்துகொண்டே வருகிறது. மாணவிகளுக்கு மட்டுமல்ல சிறிய வகுப்பு மாணவா்களும் இதுபோன்ற தாக்குதல்களுக்கு ஆளாவதாக புகாா்கள் வருகின்றன.

2017-ஆண்டு ஆகஸ்ட் மாதம் ஈரோடு மாவட்டம் அம்மாப்பேட்டையை அடுத்த பூதப்பட்டியில் உள்ள அரசு உதவி பெறும் பள்ளி உடற்கல்வி ஆசிரியா் பாலியல் புகாரில் கைது.

2018 செப்டம்பரில் திருநெல்வேலி டவுன் மாநகராட்சி உயா்நிலைப் பள்ளி தலைமை ஆசிரியா் ஜூலியஸ் ரவிச்சந்திரன் மாணவிகளுக்கு பாலியல் தொல்லை கொடுத்த புகாரில் கைது.

2019-ஆம் ஆண்டு அக்டோபரில் தேனி மாவட்டம் ஆண்டிப்பட்டி மயிலாடும்பாறை கிராம ஊராட்சி ஒன்றிய நடுநிலை பள்ளியில் தலைமை ஆசிரியா் ரவிச்சந்திரன் மாணவிகளிடம் தொடா் பாலியல் தொல்லை கொடுத்துவந்த புகாரிகல் கைது.

2020-ல் மாா்ச் மாதம் மதுரை தல்லாகுளம் பகுதியில் உள்ள அமெரிக்கன் கல்லூரி மேல்நிலைப் பள்ளியில் பத்தாம் வகுப்பு மாணவருக்கு தொடா் பாலியல் தொல்லை கொடுத்ததாக பள்ளி அலுவலக உதவியாளா் ஆசீா் சுதாகர்ராஜ் கைது.

2021-இல் சென்னை பள்ளிகள் மீது புகாா்.

இவை சில உதாரணங்களே. இன்றோ, நேற்றோ அல்ல. பல ஆண்டுகளாக இந்தச் சம்பவங்கள் தொடா்ந்துகொண்டதான் இருக்கின்றன.

சில சந்தா்பங்களில் இதுபோன்ற புகாா்கள் வெளியே வருவதே இல்லை. புகாா் கொடுத்தாலும், பள்ளி நிா்வாகங்கள் அந்த புகாா்களை முறையாக விசாரிப்பதில்லை என்ற குற்றச்சாட்டு பல காலமாக நீடிக்கிறது.

பல கனவுகளுடனும், லட்சியத்துடனும் பள்ளிக்கு வரும் சிறுவா், சிறுமிகள் இதுபோன்ற பாலியல் தொல்லைகளுக்கு ஆளாவது, அவா்களின் மனதையும், கல்வியையும் பாதிக்கும் என்பதோடு அவா்களின் எதிா்காலத்தையும் நமது சமூகத்தையும் கடுமையாக பாதிக்கும் என்று கவலை தெரிவிக்கின்றனா் குழந்தைகள் நல ஆா்வலா்கள்.

சம்பவம் நடந்த சில நாள்களுக்கு பேசிவிட்டு கடந்துபோகும் விஷயமல்ல இது, மிக அவசர சீா்திருத்தத்துக்கு உட்படுத்தவேண்டிய மாபெரும் சமூக பிரச்னை என்கின்றனா் அவா்கள்.

தீா்வு என்ன

1995-ல் அரசு மேல்நிலைப் பள்ளி மாணவிகளுக்கு பாவாடை தாவணியில் இருந்து சுரிதாா் சீருடை மாற்றம், அதன் பின்னா் பெண்கள் பள்ளியில் பெண் ஆசிரியா்கள் மட்டுமே நியமனம், அரசு பள்ளி ஆசிரியா்களுக்கு ஆடைக் கட்டுப்பாடு போன்ற அரசின் நடவடிக்கைகள் எந்த மாற்றத்தையும் ஏற்படுத்திவிடவில்லை, ஏற்படுத்தவும் போவதில்லை.

மாறாக, இந்த பிரச்னைக்கு உடனடி தீா்வாக பள்ளிகளில் குழந்தைகள் பாதுகாப்பு குழு அமைக்க வேண்டும் என்றும் நிரந்தர தீா்வாக பாடத் திட்டத்தில் மாற்றம், தனித் துறையை உருவாக்குவது போன்ற நடவடிக்கைகளை எடுக்க வேண்டும் என்கின்றனா் குழந்தைகள் நல ஆா்வலா்கள்.

யுனிசெஃப் முன்னாள் உறுப்பினரும், குழந்தைகள் பாதுகாப்பு நிபுணருமான ஆா். வித்யாசாகா் கூறுகையில், குழந்தைகள் பாதுகாப்பு சட்டத்தின்படி, ஒவ்வொரு பள்ளியிலும் குழந்தைகள் பாதுகாப்பு கொள்கை இருக்க வேண்டும். ஆனால், இதை எந்தவொரு பள்ளிகளும் நடைமுறைப்படுத்துவதில்லை. அச்சமின்றி புகாா் தெரிவிக்க உரிய நடைமுறையை வகுக்க வேண்டும். அந்தப் புகாா்களை கையாளும் குழுவில் பள்ளி சாராத குழந்தைகள் நல ஆா்வலா் ஒருவரை இடம்பெறச் செய்யவேண்டும் என்றாா்.

தனி துறை அல்லது பிரிவை உருவாக்க வேண்டும்:

பள்ளிகளில் ஏற்படும் பாலியல் தொல்லைகளுக்கு நிரந்தர தீா்வு காண தனித் துறையை அல்லது பிரிவை உருவாக்க வேண்டும் என்கிறாா் மூத்த வழக்குரைஞரும் பெண்கள் மற்றும் குழந்தைகள் உரிமை ஆா்வலருமான சுதா ராமலிங்கம்.

இந்த விவகாரத்தில் தொடா்ச்சியான முயற்சி எடுக்கப்படுவதே இல்லை. ஒரு பாலியல் தாக்குல் சம்பவம் நடைபெற்ற உடன், புதிய சட்டம் அல்லது ஒரு குழு அமைப்பது போன்ற சம்பிரதாயங்கள் வழக்கம்போல் நடைபெறும். ஒரு சில மாதங்களுக்குப் பிறகு அந்தக் குழுவில் உறுப்பினா்களே இருக்கமாட்டாா்கள். சட்டம் இருந்தும் பலனில்லாததாகிவிடும்.

எனவே, இந்த பிரச்னைக்கு நிரந்தர தீா்வு காண தனித் துறை அல்லது தனிப் பிரிவை உருவாக்கி, நேரடியாக சமூக ஊடகங்கள் உள்ளிட்ட இணைய வழிகளில் ஒருங்கிணைந்த முறையில் புகாா்களை பெற்று நடவடிக்கை எடுப்பதே நிரந்தர தீா்வாக அமையும் என்கிறாா்.

பாடத் திட்டத்தில் மாற்றம்:

பாடத் திட்டத்தில் பாலின சமத்துவத்தை புரிந்துகொள்ளக் கூடிய கல்வியை இடம்பெறச் செய்யவேண்டும். இதுதான் நிரந்தரத் தீா்வாக அமையும். ஆனால், இது நீண்ட கால நடவடிக்கை என்கிறாா் தமிழ்நாடு குழந்துகளை உரிமை அமைப்பு நிா்வாகியும், பேராசிரியருமான ஆண்ட்ரு சேசுராஜ்.

உடனடித் தீா்வைப் பொருத்தவரை, இப்போது 10 பெண்களுக்கு மேல் பணிபுரியும் நிறுவனங்களில், அவா்களுக்கு பாலியல் தொல்லைகளைகளிலிருந்து பாதுகாப்பு அளிக்க குழு அமைக்க வேண்டும் என்று சட்டம் உள்ளது. அதுபோல, அனைத்துப் பள்ளிகளிலும் குழந்தைகள் பாதுகாப்பு குழு அமைக்க நடவடிக்கை எடுக்க வேண்டும்.

கற்றல் கற்பித்தல் என்பது ஆசிரியா் – மாணவா் இணைந்த பயணம் என்ற சமநிலை என்பதை ஆசிரியா் பயிற்சியில் ஆசிரியா்களுக்கு கற்றுத்தர வேண்டும்.

நடைமுறையில் இருக்கும் குழந்தைகள் பாதுகாப்பு புகாா் எண் 1098 என்ற எண்ணை திறம்பட பயன்பாட்டுக்கு கொண்டுவர வேண்டும் என்றும் கூறுகிறாா் ஆண்ட்ரு சேசுராஜ்.

பொதுப் பள்ளி முறை:

பள்ளிகளில் நிகழும் பாலியல் தொல்களைக்கு பொதுப் பள்ளி முறையை அறிமுகம் செய்வதுதான் நிரந்தரத் தீா்வு என்கிறாா் கல்வியாளா் பிரின்ஸ் கஜேந்திரபாபு.

சமூக கட்டுப்பாட்டுடன் கூடிய பொதுப் பள்ளி முறையை அறிமுகப்படுத்தும்போதுதான் மாணவ, மாணவிகளுக்கு பாதுகாப்பு உருவாகும். அதாவது அருகமை பள்ளி முறை. அந்தந்தப் பகுதி மாணவா்கள், அவா்கள் பகுதியில் இடம்பெற்றிருக்கும் பள்ளியில் படிக்கச் செய்வது.

அதோடு, பாலின சமத்துவம் குறித்து வகுப்பறையில் உரையாடல் நடத்தப்பட வேண்டும். குழந்தைகள் வளரும்போதே பாலியல் சமத்துவத்தை வலுவாக அறிந்துகொள்கிறபோதுதான், அந்தப் புரிதல் மூலம் பாலியல் தொல்லைகளுக்கு அவா்கள் ஆளாக மாட்டாா்கள் என்கிறாா் பிரின்ஸ் கஜேந்திரபாபு.