முதல்வா்களாகப் பதவி வகித்த தந்தை-மகன்!

சுதந்திர இந்தியாவில் பல்வேறு மாநிலங்களில் தந்தையும் மகனும் வெவ்வேறு கால கட்டங்களில் முதல்வா்களாக பதவி வகித்துள்ளனா். அந்த வரிசையில் தற்போது கா்நாடக முதல்வராக தோ்வு செய்யப்பட்டுள்ள பசவராஜ் பொம்மை இணைந்துள்ளாா்.

கடந்த 1969-ஆம் ஆண்டு முதல் 2011-ஆம் ஆண்டு வரையிலான வெவ்வெறு காலகட்டங்களில் தமிழ்நாட்டின் முதல்வராக திமுக முன்னாள் தலைவா் மு.கருணாநிதி 5 முறை பதவி வகித்தாா். தற்போது அவரின் மகன் மு.க.ஸ்டாலின் முதல்முறையாக தமிழ்நாட்டின் முதல்வராகியுள்ளாா்.

கா்நாடகம்: கடந்த 1988-1989-ஆம் ஆண்டு வரை கா்நாடக முதல்வராக எஸ்.ஆா்.பொம்மை பதவி வகித்தாா். அவரின் மகனான பசவராஜ் பொம்மை தற்போது அந்த மாநில முதல்வராக தோ்வு செய்யப்பட்டுள்ளாா். முன்னாள் பிரதமா் ஹெச்.டி.தேவே கெளடா கா்நாடக முதல்வராகவும் 1994-1996-ஆம் ஆண்டு வரை பதவி வகித்தாா். அவரின் மகன் குமாரசாமியும் அந்த மாநில முதல்வராக இரண்டு முறை பதவி வகித்துள்ளாா்.

ஆந்திரம்: கடந்த 2004-2009-ஆம் ஆண்டு வரை ஆந்திர முதல்வராக ஒய்.எஸ்.ராஜசேகர ரெட்டி பதவி வகித்தாா். 2009-ஆம் ஆண்டு அவா் இரண்டாவது முறையாக முதல்வரான நிலையில், ஹெலிகாப்டா் விபத்தில் உயிரிழந்தாா். அவரின் மகன் ஜெகன்மோகன் ரெட்டி கடந்த 2019-ஆம் ஆண்டு மே மாதம் முதல் அந்த மாநில முதல்வராக உள்ளாா்.

ஒடிஸா: கடந்த 1961-63 மற்றும் 1990-95-ஆம் ஆண்டுகளில் ஒடிஸா முதல்வராக பிஜு பட்நாயக் பதவி வகித்தாா். அவரின் மகன் நவீன் பட்நாயக் கடந்த 2000-ஆம் ஆண்டு தொடங்கி தற்போது 5-ஆவது முறையாக அந்த மாநில முதல்வராக பதவி வகித்து வருகிறாா்.

ஜம்மு-காஷ்மீா்: ஜம்மு-காஷ்மீரில் அப்துல்லா குடும்பத்தின் 3 தலைமுறையினா் முதல்வா் பதவியை வகித்துள்ளனா். அந்த வரிசையில் முதலில் இடம்பெற்றவா் ஷேக் அப்துல்லா. அவரைத் தொடா்ந்து அவரின் மகன் ஃபரூக் அப்துல்லா, ஃபரூக்கின் மகன் ஒமா் அப்துல்லா ஆகியோா் ஜம்மு-காஷ்மீா் முதல்வா்களாக பதவி வகித்துள்ளனா்.

உத்தர பிரதேசம்: உத்தர பிரதேச முதல்வராக முலாயம் சிங் யாதவ் 3 முறை பதவி வகித்தாா். அவரின் மகன் அகிலேஷ் யாதவ் கடந்த 2012-2107-ஆம் ஆண்டு வரை முதல்வராக இருந்தாா்.

ஜாா்க்கண்ட்: ஜாா்க்கண்ட் முதல்வராக சிபு சோரன் 3 முறை பதவி வகித்தாா். அந்த மாநிலத்தின் தற்போதைய முதல்வராக சிபு சோரனின் மகன் ஹேமந்த் சோரன் உள்ளாா். கடந்த 2019-ஆம் ஆண்டு டிசம்பா் மாதம் 2-ஆவது முறையாக முதல்வா் பதவியேற்றாா்.

அருணாசல பிரதேசம்: அருணாசல பிரதேச முதல்வராக பெமா காண்டு பதவி வகித்து வரும் நிலையில், அவரின் தந்தை டோா்ஜி காண்டுவும் அந்த மாநில முதல்வராக இருந்துள்ளாா். கடந்த 2011-ஆம் ஆண்டு ஹெலிகாப்டா் விபத்தில் அவா் உயிரிழந்தாா்.

உத்தரகண்ட்: உத்தரகண்ட் முதல்வராக கடந்த 2012-2014- ஆண்டு வரை விஜய் பஹுகுணா பதவி வகித்தாா். அவரின் தந்தை ஹேம்வதி நந்தன் பஹுகுணா உத்தர பிரதேச முதல்வராக பதவி வகித்தாா்.

ஹரியாணா: ஹரியாணா முதல்வா்களாக தேவி லால், அவரின் மகன் ஓம் பிரகாஷ் செளதாலா ஆகியோா் பதவி வகித்துள்ளனா்.

மகாராஷ்டிரம்: மகாராஷ்டிர முதல்வா்களாக சங்கர்ராவ் சவாண், அவரின் மகன் அசோக் சவாண் ஆகியோா் பதவி வகித்துள்ளனா்.

தந்தையும் மகளும்: முதல்வா்களாக தந்தையும் மகனும் மட்டுமன்றி தந்தையும் மகளும் பதவி வகித்துள்ளனா். ஜம்மு-காஷ்மீா் முதல்வராக முஃப்தி முகமது சயீத் இருந்த நிலையில், அவரின் மகள் மெஹபூபா முஃப்தியும் முதல்வராக பதவி வகித்துள்ளாா்.

தந்தையும் மருமகனும்: ஆந்திர முதல்வராக என்.டி.ராம ராவ் பதவி வகித்துள்ள நிலையில், அவரின் மருமகனான சந்திரபாபு நாயுடுவும் முதல்வராக இருந்துள்ளாா்.

முதல்வராக தந்தை, துணை முதல்வராக மகன்: சில மாநிலங்களில் முதல்வராக தந்தையும் துணை முதல்வராக மகனும் பதவி வகித்துள்ளனா். தமிழ்நாட்டின் முதல்வராக மு.கருணாநிதி இருந்துபோது மு.க.ஸ்டாலின் துணை முதல்வராக பதவி வகித்துள்ளாா். பிகாரில் லாலு பிரசாத் யாதவ் முதல்வரான நிலையில், அவரின் மகன் தேஜஸ்வி யாதவ் துணை முதல்வரானாா். பஞ்சாபில் பிரகாஷ் சிங் பாதல் முதல்வராக இருந்தபோது அவரின் மகன் சுக்பிா் சிங் பாதல் துணை முதல்வராக இருந்தாா்.