ஆப்கானிஸ்தான் அதிபர் நாட்டை விட்டு தப்பியோடினார்; தலிபான்கள் காபூலுக்குள் ஊடுருவினர்

ஆப்கானிஸ்தான் ஜனாதிபதி மஹ்மூத் அஷ்ரப் கானி நாட்டை விட்டு வெளியேறியதாக ஆப்கான் தேசிய நல்லிணக்க கவுன்சிலின் தலைவர் அப்துல்லா அப்துல்லா ஞாயிற்றுக்கிழமை மாலை தெரிவித்தார்.

ஆப்கானிஸ்தான் அரசுக்கும் தலிபான்களுக்கும் இடையில் பேச்சுவார்த்தைகளை ஏற்பாடு செய்த அப்துல்லா, ஆப்கானிஸ்தான் ஜனாதிபதி நாட்டை விட்டு வெளியேறினார் என்று தனது முகநூல் பக்கத்தில் ஒரு வீடியோவில் கூறினார்.

ஆப்கானிஸ்தான் பாதுகாப்புப் படையினருக்கு தலைநகர் காபூலில் சட்டம் ஒழுங்கை நிலைநாட்டுமாறு அவர் அழைப்பு விடுத்தார்.

உள்ளூர் தொலைக்காட்சி சேனலான டோலோ நியூஸ் டிவியும் ஞாயிற்றுக்கிழமை மாலை, கானி , ஆப்கானிஸ்தானை விட்டு வெளியேறியதாக இரண்டு ஆதாரங்களை மேற்கோள் காட்டி அறிவித்தது. மற்ற அறிக்கைகள் கனி தஜிகிஸ்தானுக்கு செல்கிறார் என்று தெரிவித்தது.

தலிபான்கள் அதன் உறுப்பினர்களுக்கு காபூலுக்கு அருகில் உள்ள காபூல் நகருக்குள் நுழையுமாறு உத்தரவிட்டனர்.

காபூல் காவல்துறை , மாவட்ட காவல் நிலையங்களை கைவிட்டதால் பொதுமக்களின் பாதுகாப்பு மற்றும் சட்டம் ஒழுங்கை உறுதி செய்வதற்காக தலிபான்கள் நகரத்திற்குள் நுழைவதாக தலிபான் செய்தித் தொடர்பாளர் சபிஹுல்லா முஜாஹித் ட்விட்டர் செய்தியில் தெரிவித்துள்ளார்.