நாட்டை முடக்குவதாக இருந்தால், குறைந்த வருமானம் கொண்டோருக்கு உணவுப் பொதியொன்றை வழங்க வேண்டும் : வாசுதேவ

நாட்டில் தொற்றுநோய் சூழ்நிலையால், பலர் பல்வேறு ஆலோசனைகளை வழங்கி வருகின்றனர். எவ்வாறாயினும், இந்த சூழ்நிலையில், ஒரு அரசாங்கமாக நாம் பொறுப்புடன் மற்றும் புரிதலுடன் முடிவுகளை எடுக்க வேண்டும்.

குறைந்த வருமானம் கொண்ட குடும்பங்கள் மற்றும் சுயதொழில் செய்பவர்கள் நாடு மூடப்பட்டதால் மிகவும் பாதிக்கப்படக்கூடியவர்கள்.

தினசரி சம்பாதிக்கும் சுயதொழில் செய்பவர்கள் மற்றும் சிறு வணிகர்கள் மீது சிறப்பு கவனம் செலுத்தப்பட வேண்டும் என்று நீர் வழங்கல் மற்றும் வடிகாலமைப்பு அமைச்சர் வாசுதேவ நாணயக்கார தெரிவித்தார்.

நாட்டில் ஏற்பட்டுள்ள தொற்றுநோய் சூழ்நிலையில் எதிர்காலத்தில் எடுக்கப்பட வேண்டிய நடவடிக்கைகள் குறித்து அமைச்சர் ஊடகங்களுக்கு கருத்து தெரிவித்தார்.

அமைச்சர் மேலும் கூறியதாவது,

தொற்றுநோய் பரவாமல் தடுக்க நாட்டை மூடுவது மிகவும் எளிது. ஆனால் அந்த நாட்களில் சாதாரண மக்களின் குழந்தைகளையும் குடும்பங்களையும் பாதுகாப்பது மிகவும் கடினமாக இருக்கும்.

எனவே, ஒரு நாடு எந்த வகையிலும் மூடப்பட வேண்டும் என்றால், அந்த குடும்பங்களுக்கு அத்தியாவசிய உணவுப் பொதிகளை வழங்கும் திட்டத்தை செயல்படுத்துவதும் , கட்டாயமாகவும் முன்நிபந்தனையாகவும் இருக்க வேண்டும் என்று அமைச்சர் வாசுதேவ நாணயக்கார தெரிவித்துள்ளார்.