ஜனாதிபதி நாட்டு மக்களுக்கு உரையாற்றுவதற்கு முன், எதிர்க்கட்சித் தலைவர் அறிக்கை ஒன்றை வெளியிட்டுள்ளார்!

எதிர்க்கட்சித் தலைவர் சஜித் பிரேமதாச தனது அறிக்கையில், நாடு தற்போது நெருக்கடியான நிலையில் இருப்பதாகவும், முடிவுகள் அறிவியலால் எடுக்கப்பட வேண்டும், மாயைகள் மூலம் அல்ல என அறிக்கை ஒன்றின் மூலம் தெரிவித்துள்ளார்.

முழு அறிவிப்பு பின்வருமாறு ,
மூட நம்பிக்கைகளிலிருந்து விடுபட்டு அறிவியலின் அடிப்படையில் முடிவுகளை எடுக்கவும்.
நாட்டை சிறிது காலத்துக்கு முடக்குங்கள்.

புத்தியோடு செயல்படும் எந்த நபரையும் மனம் சோவடைய வைக்கும் அளவுக்கு நமது நாடு வீழ்ச்சியடைந்துள்ளது.

கடந்த வாரத்தில் பதிவான கொரோனா நோய்த்தொற்றுகள் மற்றும் இறப்புகளின் எண்ணிக்கையை மட்டும் கருத்தில் கொண்டு, நாம் செல்லும் ஒரு நாடாக நாம் எடுக்கக்கூடிய நிலை பயங்கரமானதும், இருள் படர்ந்ததாகவும் உள்ளது.

இயல்பான நிலையில் உள்ள எவரும் இந்தப் பயணத்தைப் பற்றி ஒரு நல்ல படத்தை வரைய முடியாது என்றாலும், அரசாங்கம் அதைப் பற்றி அவ்வளவு அக்கறை காட்டவில்லை என்பது மட்டும் உறுதியாகத் தெரிகிறது.

இதுவரை கொரோனா தொற்றினால் இறந்த உயிர்களுக்கான பொறுப்பை அரசாங்கமே ஏற்க வேண்டும், மேலும் அந்த பொறுப்பில் இருந்து தப்பிக்க அரசினால் முடியாது.

இந்த நாட்டில் முதல் மற்றும் இரண்டாவது கொரோனா வைரஸ் நோயாளிகள் கண்டறியப்பட்டபோது எடுக்கப்பட்ட நடவடிக்கை அளவு கூட , இப்போதுகால கட்டத்தில் ஆயிரக்கணக்கான கொரோனா நோயாளிகள் காணப்படுகையில் இந்த பேரழிவின் தீவிரத்தையும் அரசாங்கம் உணராதது துரதிர்ஷ்டவசமானது.

நோய்த்தொற்றுகள் மற்றும் இறப்புகளின் எண்ணிக்கையின் தினசரி அதிகரிப்பை அவதானிக்கும் போது , அரசாங்கத்தால் அறிமுகப்படுத்தப்பட்டுள்ள பயணக் கட்டுப்பாடுகள் ஒரு நடைமுறைக்கு மாறான, பயனற்ற செயல்முறை என்பதை உறுதிப்படுத்துகிறது.

தினசரி மேற்கொள்ளப்படும் பரிசோதனைகளின் எண்ணிக்கையை அதிகரிப்பது, அத்தியாவசிய மருந்துகளை விரைவாக இறக்குமதி செய்வது மற்றும் நாட்டின் சுகாதார அமைப்பை சமரசம் செய்யாமல் ஒழுங்காக நிர்வகிப்பது அரசின் பொறுப்பாகும்.

உலகின் பல நாடுகள் கொரோனா பேரழிவை தோற்கடிக்க கடவுளுடன் கலந்தாலோசித்து முடிவுகளை எடுக்கவில்லை. அவர்கள் தங்கள் அறிவியல் சுகாதார அமைப்பிற்கே முதலிடம் கொடுக்கிறார்கள்.

அனைத்து சுகாதார நிபுணர்கள், மகாநாயக்க தேரர்கள் , மகா சங்கத்தினர், மற்றும் நாட்டில் உள்ள ஏராளமான கட்சித் தலைவர்கள், இந்த பேரழிவின் தீவிரத்தை உணர்ந்து நாட்டை முடக்குமாறு வலியுறுத்துகின்றனர்.

இந்த வைரஸுக்கு எதிரான போராட்டம் அறிவியல் பூர்வமாக நடத்தப்பட வேண்டும் என்பதை நாங்கள் அரசாங்கத்திற்கு மீண்டும் நினைவூட்டுகிறோம், அரசியல் மற்றும் மூடநம்பிக்கையில் வெற்று தன்னிச்சையின் அடிப்படையில் அல்ல என நினைவூட்டும் ஆதே வேளை சில தினங்களுக்காவது நாட்டை முடக்குவதிலேயே இதற்காகன தீர்வொன்று கிடைக்கும் என அரசிடம் வலியுறுத்துகிறோம்..

சஜித் பிரேமதாச
எதிர்க்கட்சி தலைவர்