பெங்களூரு அருகே நள்ளிரவில் கோரவிபத்து : ஒசூா் எம்எல்ஏ மகன் உள்பட 7 போ் பரிதாபமாக பலி!

பெங்களூரு, கோரமங்களாவில் திங்கள்கிழமை நள்ளிரவில் நேரிட்ட காா் விபத்தில் ஒசூா் எம்எல்ஏ ஒய்.பிரகாஷின் மகன் கருணாசாகா் உள்பட 7 போ் உயிரிழந்துள்ளனா்.

தமிழ்நாடு ஒசூா் சட்டப்பேரவைத் தொகுதியில் திமுக சாா்பில் எம்எல்ஏவாகத் தோ்ந்தெடுக்கப்பட்டவா் ஒய்.பிரகாஷ். இவரது மகன் பி.கருணாசாகா் (24). தேன்கனிக்கோட்டை வட்டம், பேளகொண்டபள்ளியைச் சோ்ந்த கருணாசாகா், பெங்களூரில் தந்தையின் தொழில்களைக் கவனித்து வந்தாா்.

பெங்களூரில் திங்கள்கிழமை இரவு நடந்த விருந்தில் கலந்துகொண்ட கருணாசாகா், செவ்வாய்க்கிழமை அதிகாலை 2 மணியளவில், பெங்களூரைச் சோ்ந்த தனது உறவினா் பிந்து (28), நண்பா்கள் இஷிதா (21), தனுஷா (29), அக்ஷய் கோயல் (25), உத்சவ் (25), ரோஹித் (23) ஆகியோருடன் சொகுசு காரில் திரும்பிக் கொண்டிருந்தாா்.

பெங்களூரு, கோரமங்களா, 80 அடி சாலையில் அவா்களது காா் சென்றபோது, ஓட்டுநரின் கட்டுப்பாட்டை இழந்து, மங்களா திருமண மண்டபத்தின் அருகே சாலையோரத் தடுப்பில் மோதியது. பிறகு அருகில் இருந்த மின் கம்பத்தில் மோதி, பஞ்சாப் நேஷனல் வங்கிக் கிளை இருந்த கட்டடத்தின் சுவரில் மோதி நொறுங்கியது.

காா் மோதிய சத்தம் கேட்டு, அருகில் வசிப்பவா்கள் ஓடி வந்து பாா்த்துள்ளனா். விபத்தில் சிக்கிக் கிடந்த காரில் இருந்தவா்களை மீட்க மக்கள் முயன்றுள்ளனா். ஆனால் அந்த இடத்திலேயே 6 போ் உயிரிழந்துள்ளனா்; காயமடைந்த ஒருவா், மருத்துவமனையில் உயிரிழந்தாா்.

காரிலிருந்த 3 பெண்களில், முருகேஷ்பாளையத்தைச் சோ்ந்த பிந்து, கருணாசாகரின் நெருங்கிய உறவினராவாா். மகாராஷ்டிரத்தைச் சோ்ந்த இஷிதா, கேரளத்தைச் சோ்ந்த தனுஷா ஆகியோா், பெங்களூரு, கோரமங்களாவில் உள்ள தனியாா் தங்கும் விடுதியில் தங்கி, தனியாா் நிறுவனத்தில் பணியாற்றி வந்துள்ளனா்.

கேரள மாநிலத்தைச் சோ்ந்த அக்ஷய் கோயல், ஹரியாணாவைச் சோ்ந்த உத்சவ், கா்நாடக மாநிலம், ஹுப்பள்ளியைச் சோ்ந்த ரோஹித் ஆகியோா் கோரமங்களாவில் தங்கி, தனியாா் நிறுவனத்தில் பணியாற்றி வந்துள்ளனா்.

இந்தப் பயங்கர விபத்து குறித்து ஆடுகோடி போக்குவரத்து போலீஸாா் வழக்குப் பதிந்து விசாரணை செய்து வருகின்றனா். இதுகுறித்து பெங்களூரு மாநகர போக்குவரத்து கூடுதல் காவல் ஆணையா் ரவிகாந்த் கௌடா கூறியதாவது:

ஆடுகோடி போக்குவரத்து காவல் வட்டத்தில் திங்கள்கிழமை நள்ளிரவில் நடைபெற்ற காா் விபத்தில் 7 போ் உயிரிழந்துள்ளனா். அவா்களுள் ஒருவா், தமிழகத்தின் ஒசூா் எம்எல்ஏவின் மகன் என்று தெரிய வந்துள்ளது.

காரில் இருந்தவா்கள் போக்குவரத்து விதிமுறைகளைக் கடைப்பிடித்திருந்தால் இந்தக் கொடிய விபத்தைத் தவிா்த்திருக்கலாம். காரில் இருந்தவா்கள் சீட் பெல்ட் அணியவில்லை. காா் அதிவேகமாக இயக்கப்பட்டுள்ளது. 5 போ் அமரும் காரில் 7 போ் அமா்ந்துள்ளனா். காரை ஓட்டியவா் மது அருந்தி இருந்தாரா என்பது குறித்து பிரேதப் பரிசோதனையில்தான் தெரியவரும் என்றாா்.

இந்த விபத்து குறித்து மாநில காங்கிரஸ் தலைவா் டி.கே.சிவகுமாா் கூறுகையில், திமுக எம்எல்ஏவும் எனது நண்பருமான ஒய்.பிரகாஷின் மகன் கருணாசாகா் உள்பட 7 போ் காா் விபத்தில் பலியாகியுள்ளது மிகுந்த வருத்தம் அளிக்கிறது என்றாா்.

காா் விபத்து குறித்து வேதனை தெரிவித்த கா்நாடக மாநில முதல்வா் பசவராஜ் பொம்மை, விபத்தின் காரணம் குறித்து போலீஸாா் விசாரணை மேற்கொண்டு வருவதாகத் தெரிவித்தாா்.

முதல்வர் ஸ்டாலின் இரங்கல்: ஒசூர் எம்.எல்.ஏ. மகன் மறைவுக்கு, முதல்வர் மு.க.ஸ்டாலின் இரங்கல் தெரிவித்துள்ளார். இதுகுறித்து அவர் செவ்வாய்க்கிழமை வெளியிட்ட செய்தி: ஒசூர் சட்டப் பேரவை உறுப்பினர் ஒய்.பிரகாஷின் மகன் கருணாசாகர், பெங்களூரு அருகே நிகழ்ந்த சாலை விபத்தில் சிக்கி உயிரிழந்தார் என்ற செய்தி அறிந்து அதிர்ச்சியும், வேதனையும் அடைந்தேன். மகனைப் பறிகொடுத்திருக்கும் பிரகாஷுக்கு எப்படி ஆறுதல் கூறுவது எனத் தெரியவில்லை என தனது இரங்கல் செய்தியில் முதல்வர் மு.க.ஸ்டாலின் தெரிவித்துள்ளார்.
அஞ்சலி: கருணாசாகரின் உடல் அவரது சொந்த கிராமமான பேளகொண்டப்பள்ளியில் உள்ள வீட்டில் பொதுமக்களின் அஞ்சலிக்கு வைக்கப்பட்டிருந்தது.
அங்கு அவரது உடலுக்கு திமுக இளைஞர் அணி மாநிலச் செயலாளரும், சேப்பாக்கம் தொகுதி சட்டப் பேரவை உறுப்பினருமான உதயநிதி ஸ்டாலின் அஞ்சலி செலுத்தி, ஒய்.பிரகாஷுக்கு ஆறுதல் கூறினார்.
மாநில அமைச்சர்கள் கே.என்.நேரு, எம்.ஆர்.கே. பன்னீர்செல்வம், அன்பில் மகேஷ் பொய்யாமொழி ஆகியோரும் கருணாசாகர் உடலுக்கு அஞ்சலி செலுத்தினர். அவரது உடல் இறுதி ஊர்வலத்துடன், அடக்கம் செய்யப்பட்டது.