கொரோனாவை வெற்றி கொள்ள தவறிய ஜப்பானிய பிரதமர் ராஜினாமா செய்ய முடிவு

ஜப்பானிய பிரதமர் யோஷிஹிட் சுகா பதவி விலக முடிவு செய்துள்ளார். அதன்படி, இம் மாதம் மீண்டும் கட்சித் தலைவராக ஆவதற்கு தான் விரும்பவில்லை என அவர் குறிப்பிட்டுள்ளார்.

ஜப்பானின் முன்னாள் பிரதமர் ஷின்சோ அபே உடல்நலக்குறைவு காரணமாக ராஜினாமா செய்ததைத் தொடர்ந்து கடந்த செப்டம்பர் மாதம் சுகா ஜப்பானின் பிரதமரானார்.

மேலும், ஜப்பான் பிரதமரின் தரவரிசை வரலாற்றில் மிகக் குறைந்த நிலையை சுகா பெற்றுள்ளார்.

சுகாவின் கோவிட் தொற்றுநோய்க்கு எதிரான செயற்பாடுகளை வெற்றிகரமாக தீர்க்கத் தவறியதால் அவரது மதிப்பீடுகள் குறைந்துவிட்டன.

கொவிட் தொற்றுநோய் காரணமாக ஜப்பான் இன்னும் அவசரகால நிலையில் உள்ளதோடு , கொவிட் உச்சத்தில் உள்ளது.

ஜப்பானில் கிட்டத்தட்ட 1.5 மில்லியன் கோவிட் நோயாளிகள் பதிவாகியுள்ளனர், மேலும் தடுப்பூசி கொடுக்கும் வேகமும் மந்தமாகவே உள்ளது.

கொரோனா தொற்றுநோய் இருந்த நேரத்தில், இந்த ஆண்டு ஒலிம்பிக்கை நடத்த ஜப்பான் எடுத்த முடிவு நாட்டு மக்களின் விமர்சனத்துக்கு உள்ளாகியது. அது பிரபலமற்ற ஒரு விடயம் என நிரூபிக்கப்பட்டுள்ளது.

பிரதமரின் முடிவால் ஜப்பானின் பங்குச் சந்தை மூன்று தசாப்த கால உச்சத்தை எட்டியுள்ளது.

டோக்கியோவின் நிதிச் சந்தைகள் ஏற்கனவே ஆளும் கட்சியின் தலைமைப் போட்டியில் வலுவாக உள்ளன மற்றும் ஒரு வருட பொதுத் தேர்தலை முன்னிட்டு வலுவான அரசாங்கத்தை எதிர்பார்க்கின்றன.

ஆளும் எல்டிபி அதன் தலைவரைத் தேர்ந்தெடுப்பதற்காக செப்டம்பர் 29 அன்று தேர்தலை நடத்த உள்ளது. கட்சிக்கு பாராளுமன்ற பெரும்பான்மை இருப்பதால், தலைமைத் தேர்தலில் வெற்றியாளராக ஜப்பானின் தலைவர் இருக்க வேண்டும் என்று பலர் எதிர்பார்க்கிறார்கள்.

ஸ்ட்ராபெரி விவசாயக் குடும்பத்தில் பிறந்த சுகா (72), முதன்முதலில் 1987 இல் யோகோகாமா நகர கவுன்சிலுக்கும், 1996 இல் முதல் முறையாக ஜப்பானிய நாடாளுமன்றத்திற்கும் தேர்ந்தெடுக்கப்பட்டார்.