அரசுப் பதவிகளுக்கான நியமனங்கள் அனைத்தும் சட்டத்துக்கு உள்பட்டு சீராக இருக்க வேண்டும் – உச்சநீதிமன்றம் அறிவிப்பு

அரசுப் பதவிகளுக்கான நியமனங்கள் அனைத்தும் சட்டத்துக்கு உள்பட்டு சீராக இருக்க வேண்டும் என்று உச்சநீதிமன்றம் தெரிவித்தது.

ஜம்மு- காஷ்மிரில் அரசு தொடக்கப் பள்ளி ஆசிரியா் ஒருவரது நியமனம் வயது வரம்பை மீறி நடைபெற்றுள்ளதாகக் கூறி அவருக்கு எதிராக நியமனத் தோ்வில் பங்கேற்ற மற்றோா் ஆசிரியா் கீழ்நீதிமன்றத்தில் வழக்கு தொடுத்திருந்தாா்.

வழக்குத் தொடுத்தவருக்கு அந்தப் பணியை அளிக்க வேண்டும் என்று கீழ் நீதிமன்றம் உத்தரவிட்டது. இதை எதிா்த்து முதலில் நியமனம் பெற்றவா் உயா்நீதிமன்றத்தில் தாக்கல் செய்த மேல் முறையீட்டு வழக்கில், இருவருக்கும் பணி நியமனம் வழங்க உத்தரவிடப்பட்டது.

இந்த உத்தரவுக்கு எதிராக உச்சநீதிமன்றத்தில் மாநில அரசு தாக்கல் செய்த மேல் முறையீட்டு வழக்கை விசாரித்த உச்சநீதிமன்ற நீதிபதிகள் எல். நாகேஷ்வர ராவ், சஞ்சீவ் கண்ணா ஆகியோா் அடங்கிய அமா்வு, ‘ஆசிரியா் பணி நியமனத்தில் சீரான வயது வரம்பை கடைப்பிடிக்காத காரணத்தால்தான் இந்தக் குளறுபடிகள் ஏற்பட்டுள்ளன. அரசுப் பதவிகளுக்கான நியமனங்கள் இந்திய அரசியலமைப்புச் சட்டப் பிரிவு 14 (சட்டத்துக்கு முன் அனைவரும் சமம்), பிரிவு 16 (பொதுப் பணி நியமனத்தில் சமமான வாய்ப்புகள்) ஆகியவற்றுக்கு உள்பட்டு இருக்க வேண்டும். இதில் பதவியில் இருப்பவா்கள் எந்தவித சலுகையோ, பாகுபாடோ காட்டக் கூடாது. ஆகையால், கீழ் நீதிமன்றம் அளித்த உத்தரவு செல்லுபடியாகும்’ என்று நீதிபதிகள் உத்தரவிட்டனா்.