சர்வதேச வெள்ளை பிரம்புதின விழிப்புணர்வு பேரணி.

சர்வதேச வெள்ளை பிரம்பு தினத்தை முன்னிட்டு விழிப்புலனற்றோர்களது உரிமைகளை எடுத்துரைக்கும் வகையில் இன்று மட்டக்களப்பில் விழிப்புணர்வு பேரணி இடம்பெற்றது.

மட்டக்களப்பு தரிசனம் விழிப்புலனற்றோர் நிலையத்தில் இடம்பெற்ற இந் நிகழ்விற்கு பிரதம அதிதியாக மாவட்ட அரசாங்க அதிபர் க.கருணாகரன் கலந்துகொண்டார்.
கொரோனா தொற்று காரணமாக கடந்த வருடம் இவ் விழிப்புணர்வு நிகழ்வுகள் முன்னெடுக்கப்படவில்லை.

இதேவேளை இன்று இந் நிகழ்வு எளிமையான முறையில் விழிப்புணர்வு தரிசனம் பாடசாலைக்கருகில் விழிப்புணர்வு ஊர்வலம் நடைபெற்றது. அதன் பின்பு பாடசாலை கொடி ஏற்றப்பட்டு இங்கு கல்வி கற்கும் மாணவர்களின் திறமையை காட்டும் கலை நிகழ்வுகளும் இங்கு முன்னெடுக்கப்பட்டது.

இவ் நிகழ்விற்கு கௌரவ அதிதியாக மட்டு வலய கல்வி திணைக்கள் பிரதி திட்டமிடல் பணிப்பாளர் எஸ்.கரிகரராஜ் மற்றும் விசேட அதிதியாக மட்டு லயன்ஸ் கழக வலய முதல்வர் கே.லோகேந்திரன் கலந்துகொண்டனர்.