ரோஹித் சர்மா அணியில் இருந்து நீக்கப்படுவாரா. கோலி.

ரோஹித் சர்மாவை அணியில் இருந்து நீக்கிவிட்டு அவருக்கு பதிலாக இஷான் கிஷனை அணியில் எடுக்கலாமா என்ற நிருபரின் கேள்விக்கு விராட் கோலி கொடுத்த பதில் சமூக வலைதளங்களில் காட்டுத்தீயாக பரவி வருகிறது.

டி.20 உலகக்கோப்பை கிரிக்கெட் தொடரின் நேற்றைய போட்டியில் இந்திய அணியும் பாகிஸ்தான் அணியும் மோதின.

பாகிஸ்தான் அணி 10 விக்கெட் வித்தியாசத்தில் அபார வெற்றியும் பெற்றுள்ளது. பாபர் அசாம் 68 ரன்களுடனும், ரிஸ்வான் 79 ரன்களுடனும் களத்தில் இருந்தனர்.

இந்தநிலையில், இந்த போட்டிக்கு பிறகு நடைபெற்ற செய்தியாளர் சந்திப்பில், விராட் கோலி கலந்து கொண்டு, பத்திரிக்கையாளர்களின் பல்வேறு கேள்விக்களுக்கு வெளிப்படையாக பதில் கொடுத்தார்.

அதில் நிருபர் ஒருவர், அடுத்த போட்டியில் மிக சிறப்பான பார்மில் இருக்கும் இஷான் கிஷனை அணியில் சேர்த்துவிட்டு ரோஹித் சர்மாவை அணியில் இருந்து நீக்கப்படுவாரா..? என கேள்வி எழுப்பினார். இந்த கேள்வியை சற்றும் எதிர்பாராத விராட் கோலி, ஷாக் ரியாக்சன் கொடுத்தோடு மட்டுமல்லாமல், நீங்கள் உண்மையாக தான் கேட்கிறீர்களா..? டி.20 போட்டிகளில் ரோஹித் சர்மா போன்ற ஒருவரை நீக்க வேண்டும் என்று கூறுகிறீர்களா..? என்று கேட்டுவிட்டு கிண்டலாக ஒரு சிரிப்பும் சிரித்தார். அதோடு கேள்வி கேட்ட நிருபரை நோக்கி, நீங்கள் சர்ச்சையை ஏற்படுத்த விரும்பினால் என்னிடம் முன்பே கூறிவிடுங்கள் அப்போது தான் நானும் அதற்கு ஏற்றார்போல் பதில் கூறுவேன் என்று கிண்டலாகவும் பதில் கொடுத்தார்.

பத்திரிக்கையாளரின் சம்பந்தம் இல்லாத இந்த கேள்விக்கு விராட் கோலி கொடுத்த ரியாக்சனும், பதிலும் கொண்ட வீடியோ மற்றும் புகைப்படங்கள் சமூக வலைதளங்களில் செம வைரலாக பரவி வருகிறது.