சீரற்ற காலநிலையால் ரத்து செய்யப்பட்ட விமானங்களின் பட்டியல்.

சென்னை விமான நிலையம் செல்லும் பயணிகள் இதை கவனத்தில் கொள்ளுங்கள் :

அமீரகம் உள்ளிட்ட இடங்களில் இருந்து சென்னைக்கான விமான சேவைகளை 2 நாட்களுக்கு ரத்து செய்வதாக எமிரேட்ஸ் தற்போது அறிவித்துள்ளது.

இன்று(10/11/21) மற்றும் நாளை(11/11/21) பலத்த மழைக்கு வாய்ப்பிருப்பதாக இந்திய வானிலை ஆய்வு மையம் தெரிவித்திருந்தது.

இதனையடுத்து சற்றுமுன் எமிரேட்ஸ் இந்த அறிவிப்பை வெளியிட்டுள்ளது . அதன்படி,ரத்து செய்யப்பட்ட விமானங்களின் பட்டியலைக் கீழே காணலாம் .

EK542 : நவம்பர் 10 அன்று துபாய் – சென்னை பயணிக்கும் விமானம் .
EK543 : நவம்பர் 11 அன்று சென்னை – துபாய் பயணிக்கும் விமானம் .
EK544 : நவம்பர் 11 அன்று துபாய் – சென்னை பயணிக்கும் விமானம் .
EK543 : நவம்பர் 11 அன்று சென்னை – துபாய் பயணிக்கும் விமானம் .

அதேபோல இந்த இரு நாட்களில் எமிரேட்ஸ் தங்கள் விமானங்களை உலகின் எந்தப் பகுதியிலிருந்தும் சென்னைக்கு இயக்காது என்றும்,அதனால் பயணிகள் தங்களது டிராவல் ஏஜெண்டுகளை தொடர்புகொள்ளுமாறு விமான நிறுவனம் தெரிவித்துள்ளது .

மேலும் மற்ற விமான நிறுவனங்களும் இதே முடிவை எடுப்பார்கள் என்று தெரிகிறது எனவே பயணிகள் இன்று மற்றும் நாளைய பயணங்கள் தொடர்பான விபரங்களை முன்கூட்டியே டிராவல் ஏஜெண்டுகளை தொடர்பு கொண்டு அறிய முயற்சி செய்யுங்கள்.