ஒரே மேடையில் விபின் ராவத், மதுலிகா உடல்கள் தகனம்

ஹெலிகாப்டர் விபத்தில் பலியான முப்படைத் தலைமை தளபதி விபின் ராவத் மற்றும் அவரது மனைவி மதுலிகா ராவத்தின் உடல்கள் தகனம் செய்யப்பட்டன.

தில்லி கண்டோன்மென்ட் மயானத்தில், விபின் ராவத், அவரது மனைவி மதுலிகா ராவத்தின் உடல்கள் தகனம் செய்யப்பட்டன. இறுதிச் சடங்குகளை மகள்கள் கிருத்திகா மற்றும் தாரிணி ஆகியோர் செய்து, உடல்களுக்கு தீமூட்டினர்.

17 சுற்று பீரங்கி குண்டுகள் முழங்க, 800 வீரர்களின் மரியாதையுடன், விபின் ராவத்தின் உடல் தகனம் செய்யப்பட்டது.