பெட்ரோல், டீசல் விலை 76 பைசா அதிகரிப்பு

தமிழகத்தில் பெட்ரோல், டீசல் விலையானது தலா 76 பைசா இன்று உயர்த்தப்பட்டுள்ளது.

சென்னையில் ஒரு லிட்டர் பெட்ரோலின் விலை 76 காசுகள் அதிகரித்து ரூ.110.85க்கு விற்பனை செய்யப்படுகிறது. அதேபோல் ஒரு லிட்டர் டீசலின் விலையும் 76 காசுகள் அதிகரித்து ரூ100.94-க்கு விற்பனையாகி வருகிறது.

கடந்த 16 நாள்களில் 14ஆவது முறையாக பெட்ரோல், டீசல் விலையை எண்ணெய் நிறுவனங்கள் உயர்த்தியுள்ளன. நாடு முழுவதும் கடந்த 16 நாள்களில் பெட்ரோல் விலை ரூ. 9.45, டீசல் விலை ரூ. 9.51 அதிகரித்துள்ளது.

2020 நவம்பர் மாதம் முதல் பெட்ரோல், டீசல் விலையானது அதிகரிக்காமல் ஒரே விலையில் விற்பனை செய்யப்பட்ட நிலையில், ஐந்து மாநிலத் தேர்தல்கள் முடிவடைந்த பிறகு தொடர்ந்து உயர்த்தப்பட்டு வருவது குறிப்பிடத்தக்கது.