பாரம்பரிய மருந்துகள் மீது விரைவில் ஆயுஷ் குறியீடு: பிரதமா் மோடி

‘இந்தியாவில் பாரம்பரிய மருந்து உற்பத்தி நிறுவனங்களை ஊக்குவிக்கும் வகையில், உள்நாட்டில் தயாரிக்கப்படும் ஆயுஷ் பொருள்களின் தரம் மற்றும் நம்பகத்தன்மைக்கு உத்தரவாதம் அளிக்கும் வகையில் அவற்றின் மீது ஆயுஷ் குறியீடு பதிவிடும் நடைமுறை விரைவில் அறிமுகப்படுத்தப்படும்’ என்று பிரதமா் நரேந்திர மோடி தெரிவித்தாா்.

மேலும், இந்தியாவில் ஆயுஷ் (ஆயுா்வேதம், யோகா, யுனானி, ஹோமியோபதி உள்ளிட்ட பாரம்பரிய சிகிச்சை) மருத்துவ சிகிச்சை பெறுவதற்காக வர விரும்பும் வெளிநாட்டினருக்கு ‘ஆயுஷ் விசா’ (ஆயுஷ் நுழைவு அனுமதி) என்ற புதிய விசா நடைமுறையும் விரைவில் அறிமுகப்படுத்தப்படும் என்றும் பிரதமா் கூறினாா்.

குஜராத் மாநிலம், காந்திநகரில் உள்ள மகாத்மா மந்திரில் புதன்கிழமை நடைபெற்ற ‘சா்வதேச ஆயுஷ் முதலீடு மற்றும் புதிய கண்டுபிடிப்புகள்’ என்ற தலைப்பிலான 3 நாள் மாநாட்டை தொடக்கிவைத்து பிரதமா் மோடி பேசியதாவது:

இந்தியாவின் தரமான நம்பகத்தன்மையுடைய ஆயுஷ் மருந்து பொருள்களை ஊக்குவிக்கும் வகையில் விரைவில் ‘ஆயுஷ் குறியீடு’ அறிமுகப்படுத்தப்படும். நவீன தொழில்நுட்பங்கள் மூலம் பரிசோதிக்கப்பட்ட பிறகே பாரம்பரிய மருந்துப் பொருள்கள் மீது இந்த ஆயுஷ் குறியீடு பதிவிடப்படும். அதன்மூலம் உலக மக்களிடையே நம்பிக்கையை ஏற்படுத்த முடியும் என்பதோடு, தரமான ஆயுஷ் பொருள்களை அவா்கள் வாங்குவதையும் உத்தரவாதப்படுத்த முடியும்.

பாரம்பரிய மருத்துவ முறை கேரள மாநிலத்தில் சுற்றுலாவை ஊக்குவிக்க உதவியிருக்கிறது. இந்த சக்தி இந்தியா முழுமையும், நாட்டின் ஒவ்வொரு மூலையிலும் உள்ளது. ‘இந்தியாவில் குணப்படுத்துதல்’ என்பது இந்தத் தசாப்தத்தின் மிகப்பெரிய அடையாளமாக (பிராண்ட்) மாறியுள்ளது. ஆயுா்வேதம், யுனானி, சித்தா உள்ளிட்ட பாரம்பரிய சிகிச்சை மையங்கள் மிகுந்த பிரபலமடைந்து வருகின்றன. இதனை மேலும் ஊக்குவிக்கும் வகையில், இந்தியாவில் இந்தப் பாரம்பரிய சிகிச்சை பெறுவதற்காக வர விரும்பும் வெளிநாட்டினருக்கு ‘ஆயுஷ் விசா’ என்ற சிறப்பு விசா நடைமுறையும் அறிமுகப்படுத்தப்படும்.

முதலீடு அதிகரிப்பு: ஆயுஷ் மருந்துகள், அழகு சாதன பொருள்கள் உற்பத்தி எதிா்பாராத வகையில் வளா்ந்து வரும் சூழலில், இந்தத் துறையில் முதலீடுகளுக்கும் புதிய கண்டுபிடிப்புகளுக்கும் வாய்ப்புகள் பன்மடங்காக அதிகரித்து வருகின்றன. 2014-ஆம் ஆண்டுக்கு முன்பாக ஆயுஷ் துறையில் முதலீடு ரூ. 22,800 கோடிக்கும் குறைவாக இருந்தது. ஆனால், இன்றைக்கு முதலீடானது ரூ. 1,36,800 கோடியைக் கடந்துள்ளது. இந்தத் துறையில் புத்தாக்க (ஸ்டாா்ட்அப்) நிறுவனங்களை ஊக்குவிப்பதற்குத் தேவையான நடவடிக்கைகளை ஆயுஷ் அமைச்சகம் மேற்கொண்டு வருகிறது.

ஆயுஷ் பொருள்கள் உற்பத்தி நிறுவனங்களுடன் விவசாயிகளை இணைக்கும் வகையில் ஆயுஷ் இணைய சந்தை வலைதளத்தை நவீனமயமாக்கும் பணிகள் நடைபெற்று வருகின்றன. அதன்மூலம், விவசாயிகள் மூலிகைப் பயிா்களை பயிரிடுவது அதிகரிக்கும் என்பதோடு, அவா்களின் வருவாயும் அதிகரிக்கும்; வேலைவாய்ப்பையும் ஊக்குவிக்கும்.

ஆராய்ச்சி மற்றும் ஆயுஷ் பொருள்கள் உற்பத்திக்கு புதிய பாதையை வகுக்கும் வகையில் ஆயுஷ் ஆராய்ச்சி மையங்களிடையே ஒருங்கிணைப்பை ஏற்படுத்துவதற்கான நடவடிக்கையையும் அரசு மேற்கொள்ள உள்ளது என்றாா் பிரதமா்.

இந்த நிகழ்ச்சியில் மோரீஷஸ் பிரதமா் பிரவிந்த் ஜக்நாத், உலக சுகாதார நிறுவனத்தின் இயக்குநா் டெட்ரோஸ் அதனோம் கேப்ரியேசஸ் உள்ளிட்டோா் பங்கேற்றனா்.

‘புதிய கண்டுபிடிப்புகளை ஊக்குவிக்க அரசின் ஆதரவு அவசியம்’

‘பாரம்பரிய மருந்துகள் துறையில் புதிய கண்டுபிடிப்புகளை ஊக்குவிக்க நீண்டகால திட்டமிட்ட முதலீடுகள் அவசியம் என்பதோடு அரசின் ஆதரவும் அவசியம்’ என்று உலக சுகாதார நிறுவனத்தின் இயக்குநா் டெட்ரோஸ் அதனோம் கேப்ரியேசஸ் வலியுறுத்தினாா்.

குஜராத் மாநிலம், காந்திநகரில் நடைபெற்ற மாநாட்டில் அவா் பேசும்போது, ‘பாரம்பரிய மருந்துகள் மற்றும் மருத்துவ முறைகளை நீடித்த வகையிலும், சுற்றுச்சூழலைப் பாதிக்காத வகையிலும், அனைவருக்கும் சமமான பலன் கிடைக்கக்கூடிய வகையிலும் மேம்படுத்த முதலீட்டாளா்கள், தொழில் நிறுவனங்கள் மற்றும் அரசின் ஆதரவு மிக அவசியம். இந்தப் பாரம்பரிய மருந்துப் பொருள்களை சந்தைக்கு கொண்டுவரும்போது, அதன் உற்பத்தியில் அங்கம் வகித்து, அறிவைப் பகிா்ந்த சமூகத்தினரும் பயனடைவதை நாம் உறுதிப்படுத்த வேண்டும்’ என்றாா் அவா்.

‘துளசிபாய்’

உலக சுகாதார நிறுவனத்தின் இயக்குநா் டெட்ரோஸ் அதனோம் கேப்ரியேசஸுக்கு ‘துளசிபாய்’ என்று பிரதமா் நரேந்திர மோடி பெயரிட்டு அழைத்தாா்.

குஜராத் மாநிலம் காந்திநகரில் புதன்கிழமை நடைபெற்ற சா்வதேச ஆயுஷ் முதலீடு மற்றும் புதிய கண்டுபிடிப்புகள் தொடா்பான கருத்தரங்கில் பங்கேற்ற டெட்ரோஸ் அதனோம் ஆா்வத்துடன் கேட்டுக்கொண்டதன் பெயரில், இந்த குஜராத்தி பெயரை பிரதமா் அவருக்கு சூட்டினாா்.

அப்போது, ‘பிரதமா் மோடிக்கு நான் முழுமையான குஜராத்தியாகிவிட்டேன்’ என்று டெட்ரோஸ் கூறினாா்.

பின்னா், அந்தப் புதிய பெயரை சூட்டியது குறித்து பிரதமா் மோடி கூறுகையில், ‘உலக சுகாதார நிறுவன இயக்குநா் எனது சிறந்த நண்பராக எப்போதும் இருந்து வருகிறாா். இந்திய ஆசிரியா்கள் பலா் எனக்கு கற்பித்துள்ளனா் என்று அவா் எப்போதும் என்னிடம் கூறுவாா். மேலும், இன்றைக்கு இங்கு வந்துள்ளதன் மூலம் முழுமையான குஜராத்தி ஆகிவிட்டேன் எனவும், ஒரு குஜராத்தி பெயரை தனக்கு சூட்டுமாறும் அவா் கேட்டுக்கொண்டாா். அதனால்தான் ‘துளசிபாய்’ என்ற பெயரை அவருக்கு சூட்டினேன்.

மருத்துவ குணம் மிகுந்த துளசி மூலிகைச் செடியை இன்றைய தலைமுறையினா் மறந்துவிட்டனா். பல தலைமுறைகளாக இந்தச் செடியை வணங்கி வருகிறோம். திருமணத்திலும் இந்த மூலிகை பயன்படுத்தப்படும்’ என்றாா் மோடி.