இளம் வீரர்கள் கொண்ட இந்திய அணி அறிவிப்பு.

ரோஹித் ஷர்மா, விராட் கோலி மற்றும் ஜஸ்பிரித் பும்ரா ஆகியோர் அடுத்த மாதம் தென்னாப்பிரிக்காவிற்கு எதிராக உள்நாட்டில் நடைபெறும் ஐந்து போட்டிகள் கொண்ட T20I தொடரில் ஓய்வு வழங்கப்பட்ட மூத்த வீரர்கள் பட்டியலில் உள்ளனர்.

ஹர்திக் பாண்டியா மீண்டும் இடம்பெற்றுள்ள 18 பேர் கொண்ட அணிக்கு கேஎல் ராகுல் கேப்டனாக நியமிக்கப்பட்டுள்ளார், மேலும் உம்ரான் மாலிக் மற்றும் அர்ஷ்தீப் சிங் ஆகியோர் முதன்முறையாக அணிக்கு அழைக்கப்பட்டுள்ளனர்.

மேலும் தீபக் சாஹர், ரவீந்திர ஜடேஜா மற்றும் சூர்யகுமார் யாதவ் ஆகியோர் காயங்கள் காரணமாக அணியில் இடம்பெறவில்லை.

ஐபிஎல் தொடரில் சென்னை சூப்பர் கிங்ஸ் அணியின் சாஹர் முதுகில் காயம் ஏற்பட்டு போட்டியில் பங்கேற்கவில்லை. சூப்பர் கிங்ஸ் அணியைச் சேர்ந்த ஜடேஜா, இந்த மாத தொடக்கத்தில் விலா எலும்பு முறிவுடன் ஐபிஎல்லை விட்டு வெளியேறினார், அதே நேரத்தில் மும்பை இந்தியன்ஸின் சூர்யகுமாரும் இடது முன்கை காயம் காரணமாக இந்த மாத தொடக்கத்தில் ஐபிஎல்லில் இருந்து வெளியேறினார்.

இந்த ஆண்டு பிப்ரவரியில் இந்தியாவில் நடந்த டி20 தொடரில் இலங்கைக்கு எதிராக விளையாடிய அணியில் இருந்து, முகமது சிராஜ் மற்றும் சஞ்சு சாம்சன் ஆகியோர் இடம் பெறவில்லை. கடைசியாக பிப்ரவரியில் மேற்கிந்தியத் தீவுகளுக்கு எதிரான டி20 போட்டியில் விளையாடிய கோஹ்லி, இலங்கை தொடரிலும் ஓய்வில் இருந்தார்.

அணி: கேஎல் ராகுல் (கேப்டன்), ருதுராஜ் கெய்க்வாட், இஷான் கிஷான் (Wk), தீபக் ஹூடா, ஷ்ரேயாஸ் ஐயர், ரிஷப் பந்த் (துணை கேப்டன், WK), தினேஷ் கார்த்திக் (WK), ஹர்திக் பாண்டியா, வெங்கடேஷ் ஐயர், யுஸ்வேந்திர சாஹல், குல்தீப் யாதவ் , அக்சர் படேல், ரவி பிஷ்னோய், புவனேஷ்வர் குமார், ஹர்ஷல் படேல், அவேஷ் கான், அர்ஷ்தீப் சிங், உம்ரான் மாலிக்.