பாராளுமன்றத்தை சுற்றி பலத்த பாதுகாப்பு – அனைத்து நுழைவாயில்களும் மூடப்பட்டன.

நாடாளுமன்ற வளாகத்தை சுற்றி பலத்த பாதுகாப்பு போடப்பட்டுள்ளது. நாடாளுமன்றத்துக்கான அனைத்து நுழைவாயில்களும் வீதித் தடைகளால் அடைக்கப்பட்டுள்ளதாகத் தெரிவிக்கப்படுகிறது.

புதிய ஜனாதிபதியை தெரிவு செய்வதற்காக நாளையும் நாளை மறுதினமும் பாராளுமன்றம் கூடவுள்ளதுடன் நாளை வேட்புமனுக்கள் கோரப்படவுள்ளன. நாளை மறுநாள் வாக்குப்பதிவு நடைபெறும்.

ஜனாதிபதியைத் தெரிவு செய்வதற்கான வாக்கெடுப்பில் ஏற்கனவே நான்கு வேட்பாளர்கள் போட்டியிடுவதாகத் தெரிவிக்கப்படுகிறது. ஐந்து வேட்பாளர்கள் ஆஜராக வாய்ப்பு உள்ளதாகத் தெரிவிக்கப்படுகிறது.

நாளையும் நாளை மறுதினமும் பல வேட்பாளர்கள் முன்னிலைப்படுத்தப்படுவதால் பாராளுமன்றம் மிகவும் சூடுபிடிக்கும். குறிப்பாக ஸ்ரீலங்கா பொதுஜன பெரமுனவின் எம்.பி.க்கள் இரு குழுக்களாக பிரிந்து கிடப்பதால் யார் வெற்றிபெறுவது என்பது குறித்து இறுதி வரை முடிவு எடுக்க முடியாதுள்ளது.

பொதுஜன பெரமுனவின் செயலாளர் , ரணில் விக்கிரமசிங்கவிற்கு ஆதரவை வழங்க தீர்மானித்துள்ளார், ஆனால் பொதுஜன பெரமுனவின் உறுப்பினர்கள் பலர் அதற்கு எதிர்ப்பு தெரிவித்துள்ளனர்.