ரத்னப்ரியவுக்கு பதவி … ஸ்டாலினுக்கு சிறை .. என்ன இது? ஜனாதிபதியின் முகத்திலடித்தால் போல ராஜித கேள்வி!(வீடியோ)

ஒரே கூட்டத்தில் பேசிய சமன் ரத்னப்பிரிய ரணில் அரசில் பணிப்பாளர் நாயகம் ஆகிறார் , ஜோசப் ஸ்டாலின் சிறைக்கு செல்கிறார் என்றால் அது நியாயமில்லாத ஒன்று என என ஐக்கிய மக்கள் சக்தியின் நாடாளுமன்ற உறுப்பினர் ராஜித சேனாரத்ன, ஜனாதிபதி ரணில் விக்கிரமசிங்கவோடு நடைபெற்ற சந்திப்பின் போது தெரிவித்தார்.

தான் ஜோசப் ஸ்டாலினைச் சந்திக்கச் சென்றதாகவும் , அவர் 12ஆம் திகதி வரை சிறையில் அடைக்கப்பட்டிருப்பதாகவும் கூறிய ராஜித சேனாரத்ன, 2015ஆம் ஆண்டு உங்களைப் பிரதமராக்குவதற்காக இரவு பகலாக உழைத்த அகிம்சைவாதியான தொழிற்சங்கத் தலைவர் ஜோசப் ஸ்டாலினை நீங்கள் மறந்துவிட்டீர்களா? என கேள்வி எழுப்பினார்.

எங்கள் அரசாங்க நடைமுறையில் ஏற்பட்ட விரக்தி காரணமாக முதல் மூன்று மாதங்களில் எம்மை விட்டு பிரிந்து போன முதலாமவர் அகிம்சாவாதியான ஜோசப் ஸ்டாலின் என்பது நினைவிருக்கட்டும் என ராஜித ஜனாதிபதியிடம் சுட்டிக் காட்டினார்

அமைதியான போராளிகளையும் , வன்முறையாளர்களையும் பிரித்து பார்க்க ஒரு குறிப்பிட்ட பரிமாணத்தை வைத்திருக்க வேண்டும் என்றார்.

வன்முறையாளர்களை காலிமுக மைதானத்திற்கு அழைத்து வந்து தண்டித்தாலும் நாங்கள் அதை தடுக்கப் போவதில்லை எனத் தெரிவித்த ராஜித சேனாரத்ன, சட்டமா அதிபருடன் கலந்துரையாடிய பின்னர் இந்த தேவையற்ற வழக்குகளை வாபஸ் பெறுமாறு பரிந்துரைத்தார்.

பாராளுமன்ற உறுப்பினர் ராஜித சேனாரத்ன மேலும் ,

“அமைதியான போராளிகளைப் பாதுகாக்கவும், அவர்களைப் பாதுகாக்கவும் சிறப்புப் பணியகம் ஒன்றை நிறுவுவேன் என்று சொல்கிறீர்கள். போராட்டம் என்பது காலிமுக மைதானம் அல்ல என்பது உங்களுக்குத் தெரியும். இது பசியினால் வெளியானது. அதை அடையாளமாக்கி வெளிப்படுத்தப்படும் இடமாக காலிமுகத்திடல் உள்ளது. இங்கு யார் அமைதியானவர், யார் வன்முறையாளர் என்பதை வேறுபடுத்தி பார்க்க தெரிய வேண்டும்.

வன்முறைச் செயல்களில் ஈடுபட்டவர்களைத் தண்டிக்க வேண்டும். அதைப் பற்றிய விவாதம் இல்லை. நாங்கள் அனைத்து வன்முறைச் செயல்களுக்கும் எதிரானவர்கள். உங்கள் வீட்டிற்கு தீ வைக்கப்பட்டபோது நான் மிகவும் அதிர்ச்சியடைந்தேன்.

நேற்று நான் சகோதரர் ஜோசப் ஸ்டார்லிங்கைப் பார்க்கச் சென்றிருந்தேன். 2015ல் எங்களின் வெற்றிக்காக, அந்த பிரச்சாரத்தை நீங்கள் நினைவில் வைத்திருப்பீர்கள். எங்கள் “சமூக” மையத்தில் தூங்கி 24 மணி நேரமும் உங்களை பிரதமராக்க உழைத்தவர் ஜோசப் ஸ்டாலின். மூன்று மாதங்களுக்குப் பிறகு, எங்கள் அரசாங்கத்தின் நடத்தையினால் முன்கூட்டியே வெளியேறினார்.

“இப்போது அவர் முன்னணி சோசலிச கட்சியோடு இருப்பதாக யாராவது உங்களுக்குத் தெரிவித்திருக்கலாம். ஜேவிபி தொழிற்சங்கங்களுடன் இணைந்து செயற்படுகிறார் எனவும் தெரிவித்திருக்கலாம். ஆனால் அவர் ஒரு வன்முறையற்ற அப்பாவி மனிதர். தற்போது அவரை 12ம் தேதி வரை உள்ளே வைத்துள்ளார்கள்.

“நான் சகோதரர் சமன் ரத்னப்ரியவோடு பேசினேன். நீங்களும் அவரும் ஒரு கூட்டத்தில் பேசினீர்கள், அவர் டைரக்டர் ஜெனரல் ஆகிவிடுகிறார். ஸ்டாலின் சிறைக்குப் போகிறார் . அது முறையில்லை. ”

“அட்டார்னி ஜெனரலோடு பேசி, நீங்கள் தாக்கல் செய்த இந்த தேவையற்ற வழக்குகளை நீக்குங்கள். அதுவே இந்தப் பயணத்தைப் பற்றிய நல்ல அறிகுறியாக இருக்கும். ”