இளையோர் ஒன்றிய செயற்குழு உறுப்பினர்களுக்கு தலைமைத்துவ பயிற்சி.

முல்லைத்தீவு மறைக்கோட்டத்தில் அமைந்துள்ள புதுக்குடியிருப்பு பங்கில் உள்ள இளையோருக்கும் யாழ். மறைமாவட்ட இளையோர் ஒன்றிய செயற்குழு உறுப்பினர்களுக்கும் இடையிலான ஒன்றுகூடல் நிகழ்வும் தலைமைத்துவ பயிற்சியும் 22, 23 சனி, ஞாயிறு ஆகிய தினங்களில் புதுக்குடியிருப்பு பங்கில் நடைபெற்றது.

முதல் நாள் ஆரம்ப நிகழ்வுகள் மல்லிகைத்தீவு புனித அந்தோனியர் ஆலய வளாகத்திலும் இரண்டாம் நாள் நிகழ்வுகள் புதுக்குடியிருப்பு புனித சூசையப்பர் ஆலய வளாகத்திலும் நடைபெற்றன. பங்குத்தந்தை அருட்திரு சுதர்சன் அவர்களின் ஒழுங்குபடுத்தலில் யாழ். மறைமாவட்ட இளையோர் ஒன்றிய இயக்குனர் அருட்திரு அன்ரன் ஸ்ரிபன் அவர்களின் வழிநடத்தலில் நடைபெற்ற இந்நிகழ்வில் இளையோருக்கான தலைமைத்துவத்தை மேம்படுத்தும் விளையாட்டுகள், கருத்துரைகள், அனுபவப் பகிர்வுகள் போன்றன இடம் பெற்றன.

இந்நிகழ்வின் வளவாளராக திருமறைக்கலாமன்ற நிர்வாக உறுப்பினர்களில் ஒருவரான திரு. கரன்சன் ஜெகன் கலந்து சிறப்பித்தார்.