காணாமல் போன பசு மாடுகள் இறைச்சிக் கடையில் மீட்பு

வவுனியாவில் பல நாட்களாக காணாமல் போயிருந்த இரு பசு மாடுகள் இறைச்சிக் கடை ஒன்றுக்கு அருகாமையில் இருந்து கண்டுபிடிக்கப்பட்டுள்ளது.

வவுனியா – நெளுங்குளம் பகுதியில் ஒருவரது வீட்டில் இருந்து காணாமல் போன பசுக்களை தேடும் நடவடிக்கையினை உரிமையாளர் மேற்கொண்ட போது, இவ்வாறு இரு பசுக்களும் கண்டுபிடிக்கப்பட்டுள்ளமை குறிப்பிடத்தக்கதாகும்.

இது குறித்து வவுனியா பொலிஸாருக்கு தகவல் வழங்கப்பட்டதை அடுத்து குறித்த பசுக்களை மீட்டுள்ளனர். குறித்த இறைச்சி கடையின் விற்பனையாளரை பொலிஸார் கைது செய்து விசாரணைகளை மேற்கொண்டு வருகின்றனர்.