நடு வீதியில் நேற்று துப்பாக்கிச் சூடு நடத்தியவர், இன்று STF துப்பாக்கிச் சூட்டில் பலி! (காணொளி)

அஹுங்கல்ல நகரில் ஹோட்டல் ஒன்றிற்கு முன்பாக நேற்று (12) இடம்பெற்ற துப்பாக்கிச் சூட்டு சம்பவத்தின் பிரதான சந்தேக நபர் பொலிஸ் விசேட அதிரடிப்படையினரின் துப்பாக்கிச் சூட்டில் உயிரிழந்துள்ளார்.

பொலிஸ் விசேட அதிரடிப்படையினர் சந்தேக நபரை கைது செய்ய முற்பட்ட போது, ​​சந்தேக நபர் துப்பாக்கியால் சுட முயன்றதாகவும், அவரை நோக்கி பொலிஸ் விசேட அதிரடிப்படையினர் சுட்ட போதே அவர் உயிரிழந்ததாகவும் தெரிவிக்கப்படுகிறது.

அஹுங்கல்ல நகரில் உள்ள ஹோட்டல் ஒன்றிற்கு முன்பாக நேற்று துப்பாக்கிச் சூடு ஒன்று இடம்பெற்றுள்ளதுடன், முச்சக்கரவண்டி தரிப்பிடத்திற்கு அருகில் நின்ற 43 வயதுடைய நபர் ஒருவரை குறிவைத்தே காரில் வந்தவரால் துப்பாக்கிச் சூடு நடத்தப்பட்டுள்ளது.

T56 துப்பாக்கியால் சுடும் போது பிரதான சாலையில் போராடி அவரது பிடியில் இருந்து உயிர் தப்பியவர் பலப்பிட்டிய வைத்தியசாலையில் சிகிச்சைக்காக அனுமதிக்கப்பட்டுள்ளார்.

துப்பாக்கி சூட்டு வீடியோ