நாளைய (02) போராட்டத்துக்கும் எமக்கும் எந்த சம்பந்தமும் இல்லை : ஜே.வி.பி

நாளை (02) நடைபெறவுள்ளதாக கூறப்படும் போராட்டம் யாருடைய தேவைக்காக நடைபெறுகிறது என்று தங்களுக்கு தெரியாது என ஜே.வி.பி தலைமையிலான தேசிய மக்கள் படைக்கும் இதற்கும் தொடர்பில்லை என ஜனதா விமுக்தி பெரமுனவின் அரசியல் குழு உறுப்பினர் கே.டி. லால்காந்த தெரிவித்தார்.

ஜே.வி.பி தலைமையிலான தேசிய மக்கள் படை நாடு முழுவதும் மக்களிடம் உரையாற்றி நாட்டை வெற்றிகொள்ளும் வெற்றிகரமான வேலைத்திட்டத்தை முன்னெடுத்து வருவதாகவும் மக்களுடன் இணைந்து அடக்குமுறைகளை முறியடிக்க செயற்படுவதாகவும் அவர் தெரிவித்தார்.

“நாட்டில் பல்வேறு போராட்டங்கள் நடைபெற்று வருகின்றன. உண்ணாவிரதப் போராட்டங்கள் உள்ளன. பொருட்களின் விலை உயர்வை கண்டித்து போராட்டங்கள் நடைபெற்று வருகின்றன. பல்வேறு போராட்டங்கள் நடைபெற்று வருகின்றன. நாளையும் போராட்டம் நடத்தப்படும் என்கின்றனர். இந்த போராட்டங்கள் பற்றி எங்களுக்கு எதுவும் தெரியாது. யார் செய்கிறார்கள் என்றும் தெரியவில்லை. எங்களுக்கும் அதற்கும் எந்த சம்பந்தமும் இல்லை.

நாடு முழுவதும் உள்ள மக்களை வெற்றிகரமாக தொடர்பு கொண்டு பிரச்சார திட்டத்தை செயல்படுத்தி வருகிறோம். அடக்குமுறைகளை முறியடிக்க மக்களுடன் இணைந்து செயற்படுகின்றோம். குறிப்பாக, அடக்குமுறையை நிறுத்துமாறு ஆட்சியாளர்களிடம் கேட்கப் போவதில்லை. ஆட்சியாளர்கள் அதைக்கூட செய்யப் போவதில்லை. எனவே, நாட்டை வெற்றிகொள்ள மக்களுடன் இணைந்து செயற்படுகின்றோம் என அவர் மேலும் தெரிவித்தார்.